Nishati ya mafuta ya taa yaadimika Bukoba kwa wiki tatu sasa

Na Theonestina Juma, Bukoba

NISHATI ya mafuta ya taa imeadimika kwa kipindi cha wiki tatu sasa katika Manispaa ya Bukoba hali inayopelekea wakazi mji huo kutaabika kila kona kutafuta nishati hiyo.

Hayo yamebainika katika uchunguzi uliofanywa na gazeti hili mjini hapa takribani wiki moja sasa ambapo katika vituo takribani sita vinavyouza nishati hiyo vimekaukiwa kabisa.

Uchunguzi huo umebaini kutukuwepo kabisa kwa nishati hiyo katika Manispaa ya Bukoba, ambapo gazeti hili lilishuhudiwa baadhi ya wakazi wa Manispaa ya Bukoba wanaotumia nishati hiyo wakizunguka kila kituo cha mafuta bila mafanikio.

Mmoja wa wauzaji wa mafuta katika kituo cha Gapco mjini hapa ambaye hakuwa tayari kutaja jina lake alidai kuwa tatizo la kutopatikana kabisa kwa nishati hiyo, ni kuadimika Jijini Dar Es Salaam ambapo wanadai kuwa wahusika wagoma kuyatoa.

Halidhakila muuzaji mwingi katika kituo cha mafuta cha Kanoni Filling Station ambaye naye alikataa kutaja jina lake kwa madai kuwa si msemaji wa kituo hicho alisema kuwa katika kituo hicho hii ni wiki ya pili hawana nishati hiyo.

“Hapa kwetu hii ni wiki ya pili, hatuna kabisa nishati hiyo, hata sababu ya kuadimika kwa mafuta hayo mimi sijui, lakini tunamategemeo kuwa huenda yakaanza kuingia kesho yaani Jumanne wiki hii”alisema muuzaji huyo ambaye ni mwanamke.

Pamoja na nishati hiyo kuadimika kabisa mjini hapa, lakini katika vituo hivyo vimebandikwa bei ya lita ya mafuta  ambayo ni  kati ya sh. 2280 hadi 2283.