BUWASA kwafukuta, Meneja fedha wake lawamani

                                    Na Theonestina Juma, Bukoba

BAADHI ya watumishi wa Mamlaka ya Maji safi na maji taka (BUWASA) katika Manispaa ya Bukoba wamemlalamikia Meneja wa fedha wa mamlaka hiyo, Bw.Jacob Laiser kwa kuwanyanyasa pamoja na kuwatolea lugha .

Hayo yamebanishwa jana (leo) na baadhi ya watumishi wa mamlaka hiyo wakati wakazingumza na gazeti hili mjini hapa.

Wafanya kazi hao walisema kwa kipindi kirefu Meneja fedha huyo amekuwa ni chanzo cha migogoro katika mamlaka hiyo kutokana na ushauri wake mbaya kwa Mkurugenzi wa mamlaka hiyo na kwamba hana ushirikiano mzuri baina ya watumishi wenzake hali inayofanya kukosa ari ya kufanya kazi.

Baadhi ya lugha chafu wanazotolewa na Meneja huyo wa fedha walidai kuwa ni pamoja na pindi wanapolalamikia mshahara mdogo kutokana na fedha za kujikimu kuondolewa, huwajibu kuwa kama mtu haridhiki na kiwango hicho anaweza kumwaajiri kwenye shamba lake la mifugo lilioko katika ranchi ya Missenyi.

Pia walidai kulingana na utaratibu wa mamlaka hiyo, mtu husaini mkataba ambapo kila mkataba unapoisha hulipwa kiinua mgongo wake kabla ya kusaini mwingine ambapo hadi sasa kuna baadhi yao  tangu mwaka 2007 hadi sasa mkataba wao wa awali kwisha na kusainishwa mwingine bado hawajalipwa kiinua mgongo wao wa awali.

“Tulipoanza kudai haki zetu katika vikao vya watumishi wote, tuliambiwa kuwa tangu mwaka 2007 walifungua akaunti maalum kwa ajili ya kuweka kiinua mgongo wa wafanyakazi wote ambapo hadi sasa akaunti hiyo haijafunguliwa na hawajalipwa kiinua mgongo wao”alisema mmoja wao.

Hata hivyo, akizungumza na gazeti hili juu ya tuhuma hizo, Meneja wa fedha huyo, Bw. Laiser alidai kuwa tuhuma hizo ni za siku nyingi na kwamba hajui ni kwa nini analalamikiwa kwani kama ni haki anawatendea watu wote.

“Dada yangu, kama kusema nimeshasemwa sana na hao baadhi ya wafanya kazi hata hili suala tayari walishamwambia Mkurugenzi na kwa sasa tuhuma hizi zinachunguzwa na wajumbe wa Bodi wa mamalaka hii, lakini tatizo kubwa sijui”alisema

Malalamiko hayo yameletwa hadi ofisi kwangu, kwa bodi , kwa Mkurugenzi hadi wizarani nimeshaitwa na kuhojiwa na kujieleza sasa tunasubiria maamuzi tu kuwa yatakuwa vipi, lakini wanapokuletea malalamiko haya inamaamuzi ngazi zote hizo walikofikia hawaamini, au mtu akishafikishwa mahakamani lazima tena ashtakiwe gazetini pia?

Alisema tuhuma za kuwatolewa lugha chafu, hana ushirikiano nao na anaushauri mbaya  kwa mkurugenzi katika suala la matumizi ya fedha ni maneno ya uongo dhidi yake kwani  haelewi hawa watu anawatolea lugha chafu hizo katika mazingira gani na kwa nini awatukane.

Alisema kama malalamiko juu ya malipo, ni madai yao ya msingi lakini tatizo linatokana na Mamlaka hiyo kutofikia malengo ya kazi zao, ofisi haina hela kutokana na kudai madeni mengi nje, lakini kutokana na mawazo ya watu wengine wao wanadhani kuwa fedha hizo lakini wanatakataa kwa makusudi kuwalipa.

Alisema hili ni Shirika la umma hawezi kuamua kufanya jambo lolote bila kushauriana na uongozi lakini haya wanayana ni kero hivyo, hata kama nikiondoka sidhani kama hao wanaolalamika watachukua hiyo nafasi yangu bali itatangazwa nafasi hiyo na kuja mtu mwingine.

Naye Mkurugenzi wa BUWASA, Mhandisi Chaggaka Kalimbia akizungumza na gazeti hili juu ya tuhuma hizo, alidai kuwa mfano lugha chafu hawezi kuthibitisha wala kushuhudia kwani haieleweki ameyatolea katika mazingira gani na wapi na huenda wanatoleana mitaani hivyo ni vigumu kwake kuyaelezea.

Alisema malalamiko hayo yapo, lakini cha muhumu ni watu hao kuwekwa sawa, kutokana na huenda katika mazungumzo yao wakawa wanataniana lakini mtu mwenye akaona kuwa ametukanwa.

Kutokuwa na mahusiano na wafanyazi wenzake ni lazima iangaliwe hao wanavigezo vipi, mfano kama ushauri katika masuala ya fedha, mimi naweza kumwambia angalie hali ya fedha hata kama nimeidhinisha hicho kiasi alipwe mtumishi lakini yeye anaweza kuangalia kweli hizo pesa zinapatikana?

Fedha zinapatikana kulingana na hali halisi, hivyo inapokosekana lazima alipwe hata kwa awamu awamu.

Kuhusu kiinua mgongo wanayoprogramu ya kuwalipa, wameweka kama madeni lakini yote hayo yanatokana na hali ya upatikaji wa fedha ambapo kwao yanatokana na mapato tu, ambapo kwa mwaka jana waliwalipa baadhi ya watu wengine na mwaka huu wanatarajia kuwalipa wengine pesa zikipatikana.

Naye Mwenyekiti wa  Bodi BUWASA, Bw. Samuel Rutaguka akizungumza na gazeti hili alikiri  bodi kupokea malalamiko hayo ambapo kwa sasa wanayafanyia uchunguzi ambapo kwa sasa wanamwezi mmoja tangu waanze kazi hiyo.

Alisema Kutokana na meneja fedha kuomba likizo ya dharura kutokana na kuwa na tatizo nyumbani kwao anatarajiwa kurudi kazini Juni 15, mwaka huu, ambapo ndiye amebaki  kuhojiwa ili kuweza kufunga uchunguzi.

Alisema katika uchunguzi huo, baadhi ya watumishi hawakuwa tayari kuzungumzia malalamiko hayo kutokana na woga lakini lakini asilimia yao kubwa walilalamikia mambo hayo hasa kutolewa lugha chafu pamoja na kutokuwa na ushirikiano nao ambayo yalikuwa ya msingi katika malalamiko yao.

Alisema tangu waingilie kati kutafuta ufumbuzi wa malalamiko hayo na kuanza kuyachunguza tayari kumeshafanyika vikao vinne, ambapo wafanyakazi hao wameonekana kuongeza juhudi kufanya kazi tofauti na hapo awali.

Naye katibu wa TUGHE  Mkoa Kagera, Bw. Damas Meja akizungumza na gazeti hili, alikiri kupokea malalamiko hayo ambapo kwa sasa anasubiri bodi imalize uchunguzi wake na kutoa majibu ili nao waweze kuangalia ni nini cha kufanya.

Mwisho.