Majambazi sita wenye silaha wafanya kufuru Izimbya

Na Theonestina Juma, Bukoba

WAFANYABIASHARA wawili wa kijiji cha Izimbya tarafa ya Rubale katika halmashauri ya wilaya ya Bukoba, wamevamiwa nyumbani kwao na majambazi sita wenye silaha na kuwapora fedha taslimu zaidi ya milioni 9 na vitu mbali mbali.

Hayo yamebainishwa jana (leo) na Kamanda wa polisi Mkoani Kagera, Phillip Kalangi wakati akizungumza na waandishi wa habari ofisini kwake.

Kamanda Kalangi majambazi hayo yaliwavamiwa wafanyabiashara  Juni 25, mwaka huu saa 2. Usiku ambapo baada ya tukio hilo walifyatua risasi mbili hewani na kutokomea kusiko julikana.

Aliwataja wafanyabishara hao waliovamiwa na majambazi hayo kuwa ni pamoja na Philmon Jonathan (35) ambaye aliporwa shi. Milioni 7,848,000 na kisha kwenda kwake Bw. Severine Selestine  ambaye naye walimpora sh. milioni 2 na vitu mbali mbali ambavyo thamani yake bado havijajulikana.

Katika tukio hilo, majambazi hayo yalimjeruhi mke wa Selestine Bi. Avodia Severine sehemu ya jicho na mguu  kwa kutumia ubao ambapo hali yake imeelezwa kuendelea vizuri.

Hakuna mtu nayeshikiliwa na jeshi la polisi mkoani hapa kuhusika katika tukio hilo, ambapo polisi wanaendelea na uchunguzi wao juu ya tukio hilo.

Katika tukio linguine wahamiaji haramu wapatao 27 wamekamatwa wakiwa wanaishi nchini bila kufuata utaratibu wa nchi.

Wahamaji watatu walikamatwa katika wilaya ya Biharamulo na wengine 24 walikmatwa katika wilaya ya Ngara, katika msako maalum unaofanywa na Jeshi la polisi Mkoani hapa kwa kushirikiana na Idara ya uhamiaji.

Wahamaji hao wote walifikishwa mahakamani ambapo baadhi yao tayari wamesharejeshwa makwao.Msako huo ulianza Juni 6 mwaka huu katika mkoa mzima ambapo hadi sasa bado unaendelea.