Katiba ya sasa haisisitizi mtoto kupewa elimu kiasi gani-LHCR

 Mwenyekiti wa Chama cha wanaume wanaopigwa na wake zao Tanzania, Bw.Berensi  Alkard akitafakari jambo.

Na Mwandishi wetu, Shinyanga.

Wanachama wa Chama cha kutetea haki za wanaume wanaonyanyaswa na wake zao Tanzania wamekutana katika kikao cha dharura mjini Shinyanga kujadili masuala mbalimbali ikiwa ni pamoja na mchakato wa kuandaa rasimu ya katiba na usajili wa Chama hicho chenye lengo la kuwatetea wanaume nchini wanaokabiliwa na manyanyaso dhidi ya wake zao.

Kikao hicho ambacho kimefanyika katika Hoteli ya Karena mjini humo,Katibu wa chama hicho Bw.Antony Sollo amesema Chama hicho kinatarajiwa kusajiliwa na kuzinduliwa rasmi mapema Julai mwaka huu hapa nchini na kwamba tayari hadi hivi sasa wanaume waliowengi wamekipokea na kuonesha dhamira ya kujiunga.

Amesema kuunda kwa Chama hicho kumetokana na ukweli kwamba idadi kubwa ya wanaume nchini wamekuwa wakinyanyaswa na hawana mahali pa msaada kwao hatua ambayo imekuwa ikiendelea kuwafanya kuwa wanyonge katika kukabiliana na matatizo ya manyanyaso waliyonayo.

Katibu huyo Bw.Sollo amefafanua kuwa vitendo vya manyanyaso kwa wanaume hapa nchini pia vimekuwa vikisababisha mauaji ya mara kwa mara na hata kuleta mfarakano ndani ya familia.

Amesema kuanzishwa kwa chama hicho pia kutasaidia kuimarisha mahusiano baina ya wanandoa kwakuwa wataishi kwa usawa huku wakizingatia haki na wajibu wa kila mmoja wao katika maisha ya kila siku.

Kwaupande mwingine mwenyekiti wa chama hicho Bw.Belensi amewataka wanaume nchini kukiunga mkono chama hicho ambacho kitakuwa ni kimbilio la wanaume na pia msaada kwa ngazi ya familia kutokana na migogoro inayojitokeza ndani ya ndoa.   

Miungoni mwa Masuala mengine yaliyojadiliwa katika kikao hicho ni pamoja na kero ya wanaume kudharauliwa, kupigwa na wake zao kila siku na baya zaidi ni pale wanaponyimwa haki ya ndoa.

Mengine ni yanayohusu wanawake kubadili na kumiliki  haki na mali walizochuma pamoja na wenzi wao hatua ambayo pia imeonekana kikwazo kwa wanaume.

Huu ulikuwa ni mkutano wa pili tangu kuanzishwa kwa mchakato  wa chama hicho jijini Dar-es-salaam.

 

Wakili ambaye pia ni Mwanasheria wa kituo cha kutetea haki za binadamu, Bi.Laetitia Petro akitoa mafunzo kwa wanasemina ambao ni waangalizi wa haki za binadamu kutoka mikoa sita ya kanda ya ziwa na Kati.

 Waangalizi wa haki za binadamu kutoka katika mikoa ya Kagera, Mwanza, Shinyanga, Tabora,Mara na Dodoma wakiwapata mafunzo juu ya uangalizi wa haki za binadamu katika Hoteli ya Karena mjini Shinyanga

Pichani ni Afisa habari wa Kituo cha kutetea haki za binadamu (LHCR) Bi. Rose

Pichani ni baadhi ya waangalizi wa haki za binadamu wakiwa wanamsiliza kwa makini mkufunzi wa semina hiyo hayuko pichani, katika mafunzo ynaayoendelea mjini Shinyanga katika hoteli ya Karena.

Shinyanga
KUTOKANA na Katiba ya sasa kukabiliwa na upungufu mkubwa, kituo cha Sheria na  kutetea haki za binadamu (LHRC) kimedhamira kupigania ili mambo kadhaa kama elimu iingizwe katika katiba mpya  ili iwe haki ya msingi za binadamu.
Kauli hiyo imetolewa leo na Mwezeshaji kutoka katika kituo cha kutetea haki za binadamu, Bi. Laetitia Petro wakati akiwasilisha mada iliohusu Chimbuko la Haki za Binadamu nchini Tanzania kwa waangalizi wa haki za Binadamu kutoka katika mikoa za Mwanza, Kagera, Kigoma, Mara,Tabora na Dodoma kinachoelendea katika ukumbi wa Hoteli ya Karena mjini Shinyanga.
 Bi. Petro ambaye pia ni Wakili na Mwanasheria alisema katiba ya sasa inayo upungufu mkubwa hasa katika suala ya nzima ya ulinzi wa haki za binadamu.
Alisema licha ya elimu ni ya msingi katika maisha ya haki za binadamu, lakini katiba ya sasa haioneshi msisitizo wake kwa wananchi.
Alisema haki zingine ambazo hazimo kabisa katika katiba ya sasa ni pamoja na haki ya kupata maji safi na salama  haki ya mazingira  masuala ambayo ni ya msingi katika ustawi wa haki za binadamu katika kizazi kijacho.