Breking newzz, Baada ya takribani miaka 14 kupita,mwili wa Kadinali Rugambwa kuzikwa rasmi Oktoba 6, 2012

HATIMAYE kitendawili cha lini atazikwa rasmi Kadinali wa kwanza wa Mwafrika, Laurian Rugambwa aliyefariki dunia takribani miaka 14 iliopita imeteguliwa baada ya kanisa Katoliki Jimbo la Bukoba kutangaza siku ya kuhamishwa mwili wake kutoka katika kanisa Katoliki Parokia ya Kashozi alikozikwa kwa muda na kupumzishwa katika nyumba yake ya milele.

Kwa mujibu wa tangazo lililochapwa katika gazeti linalomilikiwa na Kanisa Katoliki Jimbo la Bukoba linalojulikana kwa jina la RUMULI toleo namba 268 ya mwezi Aprili mwaka huu, mwili wa Muadhama Kadinali Rugambwa unatarajiwa kuhamishwa rasmi Oktoba 6, mwaka huu kutoka Kanisa la Kashozi na kuzikwa ndani ya Kanisa kuu la Jimbo hilo lililochukua takribani miaka 12 kukamilika kwa ukarabati wake.

Kwa mujibu wa tangazo hilo, ibada maalum ya kuhamisha mwili na kuuzika itafanyika katika kanisa hilo kuu la Bukoba siku hiyo ya Oktoba 6, mwaka huu majira ya saa 9 alasiri.

 Aidha Oktoba 7, mwaka huu imeelezwa katika tangazo hilo kuwa itakuwa ni siku ya kubarikiwa kwa kanisa hilo na kumbukumbu ya  miaka 100 ya kuzaliwa kwa kadinali huyo wa kwanza Mwafrika.Kadinali Rugambwa alifariki dunia mwaka 1997.

mwisho.