Zuku kudhamini tamasha la kimataifa la Zanzibar

Mwenyekiti wa kampuni ya  Wananchi Group kampuni inayosambaza vin'gamuzi vya televisheni ya Zuku Afrika hapa nchini Bw. Ali Mufuruki akizungumza katika hafla ya kutangaza kampuni hiyo ya Zuku Kudhamini tamasha la kimataifa la  Zanzibar International Film Festivala (ZIFF) katika hafla iliyofanyika jana kwenye ufukwe wa Slipway jijini Dar  es salaam na kuhudhuriwa na wadau mbalimbali wa tamasha la ZIFF wakiwemo wanamuziki, waigizaji wadhamini na wengeni wengi.

 Mmoja wa wasanii wa kundi la Shilole akitumbuiza mbele ya wageni mbalimbali waliohudhuria katika hafla hiyo jana jioni.

 Waigizaji wa filamu mbalimbali wakiwa wamesimama mbele wakati walipokuwa wakitambulishwa katika hafla hiyo na mwenyekiti wa ZIFF Bw. Mahmoud Thabit Kombo.

 Kutoka kulia ni Jacob Steven. Raymond Kigosi na Cloud waigizaji wa filamu za Bongomovie wakiwa katika hafla hiyo..

 Mchekeshaji Steve Nyerere kulia akiwa na wadau kutoka kampuni ya kusambaza filamu ya Steps Entertainment.

 Mwigizaji Jaquiline Walper kushoto akiwa na waigizaji wengine katika hafla hiyo wa tatu kutoka kulia ni mchezaji wa timu ya Simba Uhuru Selemani.

 Mwigizaji Aunt Ezekiel kushoto akiwa na waigizaji wenzake.

 Mwanamuziki Shilole akitumbuiza na kundi lake katika hafla hiyo.

Mwenyekiti wa ZIFF Bw. Mahmoud Thabit Kombo akiwatambulisha waigizaji pamoja na wasanii mbalimbali katika hafla hiyo jana.

Wabunge wa CHADEMA walivyoagwa rasmi nchini Brazil

Baaada ya kazi kubwa ya kuzindua na kuimarisha tawi la chadema Washington Dc Maryland na Virginia,Wabunge wa Chama Cha Demokrasia na Maendeleo (CHADEMA)Mhe. Peter  Msigwa na  Mhe. Nassari Joshua, Al-Marufu  Dogo janja, Usiku wa Jana Jumatano Mei 30,2011  waagwa rasmi kwa kuangalia mpambano wa kimataifa kati ya US na Brazil ndani ya uwanja wa Fedex, uliopo Landover Maryland Nchini marekani

Wabunge wa Chama Cha Demokrasia na Maendeleo (CHADEMA) Mhe, Peter Msigwa na Mhe. Nassari Joshua, Al-Marufu Dogo janja, wakiwa na uwongozi wa tawi la Chadema Washington Dc Libe Mwangombe, wanne, Mjomba a.k.a Cosmas, Mzee wa swahilivilla Aboh Shatry wa pili kulia, pamoja na mashabiki wa US, wakiiunga mkono bendera ya taifa.

 (Picha maelezo na swahilivilla.blog spot.com)

Idadi ya wapenzi waliohudhuria katika mpambano huo ni 67,656 wakiwemo  Mhe. Nassari Joshua pamoja na Mhe, Peter Msigwa.

Wabunge wa chama cha Chadema wakipata flash ya pamoja na warembo wa Kibrazil ndani ya uwanja wa FedexField, uliopo Landover Maryland Nchini marekani. 

Picha ya pamoja na viongozi wa juu wa Chadema kwenye mpambano wa US na Brazil Usiku wa kuamkia leo  Alhamis Mei 31,2012 ndani ya ndani ya uwanja wa Fedex, uliopo Landover Maryland Nchini marekani

Forward wa United States Landon Donovan, akipandisha majeshi juu huku alidhibitiwa na Brazil defender Marcelo wa Brazi katika mpambano wa kirafiki.

Nabendera ya Taifa wakishangilia Bao la  kwanza la Brazil lilifungwa kwa Penalti na mchezaji Neymar

Wachezaji wa Brazil wakilinda ngome yao kwa kuwadhibiti timu ya US kwenye mechi hiyo ya kirafiki ambapo timu ya Brazil waliweza kuwabamiza US bao 4-1 nyumbani kwao.

Pinda kumwakilisha Rais JK Angola

WAZIRI MKUU Mizengo Pinda

 

WAZIRI MKUU Mizengo Pinda anaondoka Dar es Salaam leo mchana (Alhamisi,  Mei 31, 2012) kwenda Luanda, Angola kuhudhuria kikao cha Wakuu wa Nchi za Jumuiya ya Maendeleo ya Kusini mwa Afrika (SADC).

Kwa mujibu wa ratiba iliyotolewa na Wizara ya Mambo ya Nje na Ushirikiano wa Kimataifa, Waziri Mkuu Pinda anahudhuria mkutano huo kwa niaba ya Rais Jakaya Kikwete ambaye leo anatarajiwa kufungua mkutano wa Benki ya Maendeleo ya Afrika (AfDB) huko Arusha.

Mara baada ya kuwasili,  leo jioni Waziri Mkuu atahudhuria kikao cha TROIKA ambacho kinajumuisha Wakuu wa Nchi kitakachofanyika Ikulu ya nchi hiyo na usiku atashiriki hafla maalum iliyoandaliwa kwa viongozi wakuu wa nchi za SADC.

Mkutano huo wa Wakuu wa Nchi za SADC ambao umepangwa kufanyika kesho (Juni Mosi, 2012), utatanguliwa na mkutano wa mawaziri unaoanza leo (Alhamisi, Mei 31, 2012) chini ya uenyekiti wa Waziri ya Mambo ya Nje na Ushirikiano wa Kimataifa, Bw. Bernard Membe.

Waziri Mkuu anatarajiwa kurejea jijini nchini kesho kutwa (Jumamosi, Juni 2, 2012).

Rais wa Zanzibar Dkt. Shein afungua mdomo na kuzungumzia vurugu zilizotokea Visiwani humo

Rais wa Zanzibar na Mwenyekiti wa Baraza la Mapinduzi Dk Ali Mohd Shein akizungumza na Wanahabari wa Vyombo mbalimbali  vya Habari Nchini kuhusiana na Vurugu Zilizotokezea Zanzibar,hapo katika ukumbi wa Ikulu Mjini Zanzibar.Ukiwa ni Utaratibu wake wa kuzungumza na Vyombo vya Habari kila ifikapo mwisho wa Mwezi.

Na Juma Mohammed,MAELEZO Zanzibar

Rais wa Zanzibar na Mwenyekiti wa Baraza la Mapinduzi, Dk. Ali Mohammed Shein amesema kwamba Serikali italinda amani kwa nguvu zote na kuonya kuwa Serikali haitasita kuwachukulia hatua watakaochochea na kufanya vurugu.

Akizungumza katika mkutano na waandishi wa habari Ikulu Zanzibar jana,Dk. Shein alisema “Tutailinda amani kwa nguvu zote,atakayethubutu kuchezea tutamshughulikia kwa mujibu wa sheria”

Rais Shein alisema amesikitishwa sana na vitendo vilivyotokea wiki iliyopita na kuelezea vurugu hizo zimeharibu sifa njema ya Zanzibar ambayo kwa miaka mingi ianjulikana kwa uvumilivu wa kidini kiasi cha hata Serikali ya kikoloni mwaka 1953 kuamua kufanya shindano la uchoraji wa stamp ya uvumilivu wa kidini.

“Kwa masikitiko makubwa nataka kusema kuwa vitendo vilivyotokea vya kuvunja amani ni vya aibu, vimetusononesha sana na haya wananchi lazima wajue kuwa amani yetu ni muhimu kuliko jambo lolote lile” Alisema  Rais Dk. Shein.

Dkt.Bilal afunga mafunzo ya Wakuu wa mikoa, wilaya na Makatibu Tawala

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisoma hotuba yake wakati akifunga rasmi Mafunzo ya Wakuu wa Mikoa, Makatibu Tawala wa Mikoa na Wakuu wa Wilaya wa Tanzania Bara, yaliyomalizika mjini Dodoma jana Mei 30, 2012. 

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal (kulia) akiteta jambo na Waziri Mkuu, Mizengo Pinda, wakati alipofika katika Ukumbi wa Mtakatifu Gaspar mjini Dodoma jana Mei 30, kufunga rasmi Mafunzo ya Wakuu wa Mikoa, Makatibu Tawala wa Mikoa na Wakuu wa Wilaya wa Tanzania Bara, yaliyomalizika mjini Dodoma jana.

Baadhi wa Wakuu wa Mikoa, Makatibu Tawala wa Mikoa na Wakuu wa Wilaya wa Tanzania Bara, waliohudhuria mafunzo hayo wakimsikiliza kwa makini mgeni rasmi Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, wakati akisoma hotuba yake ya kufunga mafunzo hayo jana Mei 30, 2012 mjini Dodoma. (Picha na Muhidin Sufiani-OMR).

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal (kulia) akiteta jambo na Waziri Mkuu, Mizengo Pinda, wakati akiondoka  katika Ukumbi wa Mtakatifu Gaspar mjini Dodoma jana Mei 30, baada ya  kufunga rasmi Mafunzo ya Wakuu wa Mikoa, Makatibu Tawala wa Mikoa na Wakuu wa Wilaya wa Tanzania Bara, yaliyomalizika mjini Dodoma.

 

 

 

 

Utumikishwaji wa wanafunzi shuleni tishio Iringa vijijini

Wanafunzi  wa shule ya msingi Kising'a Isimani  wilaya ya Iringa  vijijini  wakiwa  wamebeba ndoo  za maji kwa ajili ya ujenzi wa nyumba ya mwalimu jana majira ya saa 9.45 asubuhi muda ambao  walipaswa  kuwepo darasani kama  walivyokutwa na mpiga  picha  wetu (picha zote  na Blog ya Francis Godwin)

                                            Na Blog ya  Francis  Godwin

 

TABIA  ya uongozi  wa shule  ya msingi Kising'a Isimani  wilaya ya  Iringa kuwatumikisha kazi wanafunzi asubuhi  wakati  wa vipindi  vya masomo imepingwa  vikali na  baadhi ya  wazazi  wanaosomesha  watoto  wao katika  shule  hiyo na kuiomba  wizara ya elimu na mafunzo ya ufundi kuingilia kati suala  hilo.

Wakizungumza  na mwandishi  wa habari  hizi  leo kijijini hapo wazazi hao   walisema  kuwa  uongozi  wa  shule  hiyo ya msingi Kising'a kila  siku kabla ya  watoto  kuingia madarasani  wamekuwa   wakiwatuma katika kazi  mbali mbali  ikiwemo ya  kuchota maji   kwa ajili ya ujenzi  wa nyumba ya mwalimu.

Alisema  Jonh Kalinga  kuwa  tayari  wamepata  kuulalamikia  uongozi  wa  shule  hiyo na kuukanya kacha   kuwatumikisha  watoto  hao majira  ya masomo  ila bado vitendo  hivyo  vya  wanafunzi kukatishwa  vipindi na kwenda  kufanya kazi  za  walimu vimekuwa  vikiendelea.

Rais Kikwete alipofungua Mkutano wa AfDB Arusha

Rais Jakaya Mrisho Kikwete akifungua Mkutano wa Mkuu wa Mwaka wa Bodi ya Magavana wa Benki ya Africa afDB katika ukumbi wa AICC jijini Arusha leo Mei 31. 2012

PICHA NA IKULU

Rais Kikwete akiwa na Rais wa Ivory Coast Alassane Ouattara, Rais Mstaafu wa Botswana Mh Festus Moghae, Rais wa Benki ya Africa Dkt Donald Kaberuka, Mshauri wa Mfalme wa Morroco Bw Omar Kabbaj (kushoto) , Waziri wa Fedha Dkt (wa pili kuhsoto) muda mfupi kabla ya kuzindua mkutano Mkuu wa Mwaka wa Bodi ya Magavana wa Benki ya Afruka katika ukumbi wa AICC jijini Arusha leo Mei 31, 2012

Ukumbi wa AICC wakati wa Rais Jakaya Kikwete alipkuwa akifungua Mkutano wa Mkuu wa Mwaka wa Bodi ya Magavana wa Benki ya Africa afDB katika ukumbi wa AICC jijini Arusha leo Mei 31. 20 

 

 

 Rais Kikwete akiwa na Rais wa Ivory Coast Alassane Ouattara, Rais Mstaafu wa Botswana Mh Festus Moghae, Rais wa Benki ya Africa Dkt Donald Kaberuka, Mshauri wa Mfalme wa Morroco Bw Omar Kabbaj (kushoto) , Waziri wa Fedha Dkt  William Mgimwa (wa pili kuhsoto) katika picha ya pamoja na Marais wastaafu wa Benki ya Afrika.

Serikali yaombwa kuunda tume kuchunguza wanauamusho Zanzibar

BAADA ya vurugu na maandamano  na kuchomwa moto baadhi ya makanisa zilizosababishwa na Kikundi cha Uamsho,Serikali imetakiwa kuunda tume ya kukichunguza kikundi hicho chenye mwuelekeo kama Al-Shabab cha nchini Somalia.

Kauli hiyo ilitolewa na Mkurugenzi wa Taasisi ya Kiislam (TIPF), Sadiq Godigodi, wakishirikiana na  mwanaharakati Chifu Msopa jijini Dar es Salaam jana kuwa wanalaani vugurugu zote zilizosababishwa na kikundi hicho.

"Watanzania tunapaswa kuwa makini na Kikundi hiki kwani sisi tukiwa Waislam tunaifahamu vizuri historia ya Al-Shabab ilivyoaanza kwani walianza kama hivi sasa hatutaki kuingiza nchi hii katika matatizo ya kuuwana kama ilivyotokea nchini Rwanda 1994"alisema Godigodi. 

Alisema wanaitaka serikali kukichunguza kikundi hicho kwa kuwa kinakwenda kinyume na malengo yake, kwani kilianzishwa kwa ajili ya kufanya mihadhara, kueleimisha, maadili ya dini, kufanya ibada  na mambo yote anayohitaji Mungu (Alla SW).

Aidha, wanalaani vurugu zote zilizosababishwa na baadhi ya watu wa Uamsho kwa kusema makanisa hayakutendewa haki hata kidogo kwa kuwa kanisa si serikali wala Tume ya Uchaguzi au Chama cha siasa.

Godigodi alikwenda mbali kwa kusema wanawalani wale wote wanaopinga muungano kwani hata Mwenyezi Mungu anawachukia wote wanaotaka kujitenga au kufanya ubaguzi wa aina yeyote ya Dini, Kabila au rangi, kwani Mwenyezi Mungu  aliwawakea misingi ya kuheshimu dini za watu wengine na wale wasiokuwa na dini.

Godigod alisema Waislama wanakishangaa kikundi hicho kwa kufanya mihadhara ya kuleta chuki kwa baadhi ya Waislama wa Zanzibar kama vile kupinga muungano wa Zanzibar na Tanganyika wakati kuna utaratibu  umewekwa wa kutoa maoni kuhusu suala hilo.

Vile vile kuwakataa baadhi ya watu kutoka Bara wanaoishi kuondoka  Visiwani humo kama walivyosoma katika vyombo vya habari (huu ni ubaguzi), na kupinga utoaji wa maoni kuhusu mchakato wa Katiba mpya. 

Hata hivyo, alisema Zanzibar ni Kisiwa chenye idadi kubwa ya waislam na vyama vikubwa vyenye idadi kubwa ya wanachama ambapo vyama hivyo vina ushawishi kwa wananchi mbalimbali.

Alisema baada ya muafaka wa CCM na CUF Wazanzibar wamekuwa kitu kimoja wakishirikiana kwa kila jambo ni dhahiri kwamba kila Mzanzibari anhitaji maisha ya umoja na ushirikiano.

Hata hivyo kuna taarifa kuwa Serikali ya Mapinzi Zanzibar imesimamisha shughuli zote za  Kikundi hicho cha Uamsho.

Lukuvi akubali kuwekwa 'kitimoto' Jimboni kwake

Na Blog ya  Francis Godwin)

WAZIRI wa nchi ofisi ya waziri mkuu (sera na uratibu wa bunge) Wiliam Lukuvi awa mbunge wa kwanza wa chama cha mapinduzi (CCM) kukubali kuwekwa kitimoto na wapiga kura wake katika mwendelezo wa midahalo ya wabunge na wapiga kura wao.

Lukuvi ambaye ni mbunge wa jimbo la Isimani amekubali kuwekwa kitimoto katika mdahalo huo uliopangwa kufanyika Juni 2 siku ya jumamosi katika ukumbi wa Hima kata ya Isimani majira ya asubuhi .

Hatua ya Lukuvi kukubali kuwekwa kitimoto imekuja huku zikiwa zimepita siku chache toka mbunge wa jimbo la Kilolo kupitia CCM Prof. Peter Msolla kukwepa kushiriki mdahalo kama huo uliofanyika katika ukumbi wa Upendo Ruaha Mbuyuni wiki iliyopita .

Mbunge Prof Msolla ambaye amepata kuwa waziri wa mawasiliano Sayansi na Teknolojia alikwepa mdahalo ulioandaliwa na azaki za kiraia mkoani Iringa chini ya uratibu wa asasi ya ISICO .

Mratibu wa midahalo hiyo Raphael Mtitu alisema kuwa midahalo hiyo ambayo ilianza kwa mbunge wa jimbo la Iringa mjini Mchungaji Peter Msigwa(Chadema) imepangwa kufanyika majimbo manne ya mkoa wa Iringa na ambayo ni Iringa mjini ,Kilolo ,Kalenga na Ismani .

Msondo kutoa burudani Kitunda

Na Mwandishi Wetu

BENDI kongwe ya muziki wa dansi ya Msondo ngoma inatarajia kuwapa burudani kabambe wakazi wa Kitunda na maeneo jirani kwa kufanya onyesho kwenye ukumbi mpya wa Msige Pub Juni 10, mwaka huu.
Mratibu wa onyesho hilo, George Msige, alisema kuwa maandalizi yamekamilika na amewataka wapenzi wa burudani kujitokeza kwa wingi kupata vionjo vya wakongwe hao.
Alisema amevutiwa kuialika bendi hiyo kutumbuiza kwenye ukumbi huo uliopo Kitunda Kibeberu, kutokana na maombi aliyopewa na mashabiki wengi baada ya kufurahishwa na 'shoo' ya kwanza ya kundi la taarab la Five Stars wiki mbili zilizopita.
"Kwa hiyo wakazi wa Kitunda Kibeberu kuanzia sasa watakuwa wanapata burudani ya kila aina kwa nia ya kukata kiu yao hivyo, wajiandae kucheza nyimbo za bendi ya Msondo," alisema Msige.
Alisema kuwa Msondo itapiga vibao vya zamani na vipya ambavyo ni Suluhu wa Shabani Dede, Nadhiri ya Mapenzi wa Juma Katundu na Baba Kibene wa Eddo Sanga.
Mwimbaji nguli Maalim Gulumo 'Kamanda' na Saidi Mabela na wengineo watafanya vitu vyao siku hiyo ili kukonga nyoyo za mashabiki wao.
Msemaji wa bendi hiyo, Rajab Mhamila 'Super D' amethibitisha Msondo itaangusha burudani ya nguvu katika ukumbi huo ikitokea Masasi, Mtwara kuzindua ukumbi wa Emirate.

Mrembo wa Mtwara 2012 kupatikana Jumamosi

Warembo watakaopanda jukwani kushiriki katika shindano la  kumtafuta Miss Mtwara 2012 siku ya jumamosi juni 2 katika ukumbi wa Makonde Beach mjini Mtwara, ambapo wamekuwa wakiendelea na mazoezi katika ukumbi huo kujiweka tayari kwa ajili ya shindano hilo.

Warembo watakaopanda jukwani kumtafuta Miss Mtwara 2012 Wakimsikiliza mkufunzi wao Isabela mpada (MISS RUVUMA 2006) siku ya jumamosi Juni2 katika ukumbi wa makonde beach

Warembo watakaopanda jukwani kumtafuta Miss Mtwara 2012 Wakimsikiliza mkufunzi wao Isabela mpada (MISS RUVUMA 2006),Pamoja na muandaaji wa shindano Rajab Mchatta. siku ya jumamosi Juni 2 katika ukumbi wa makonde beach

UKatili wa kuwalawiti watoto washamiri kwa kasi Karagwe-DC

                         Na Mwandishi Wetu, Karagwe

BAADA ya vitendo vya ubakaji kupungua kwa watoto wa kike na wanawake wilayani Karagwe, Mkoani Kagera inadaiwa kuibuka kwa vitendo vya ulawiti kwa watoto wadogo, imeelezwa. 

Hayo yalisemwa hivi karibuni na Kaimu Mkuu wa wilaya hiyo, Kanali Mstaafu Issa Njiku ambaye pia ni Mkuu wa wilaya ya Misenyi wakati alipokuwa akizungumza na waandishi wa habari ofisini kwake Wilayani humo.

Kanali Njiku alisema kuwa baada ya vitendo vya ubakaji kupungua kwa watoto walio dhini ya umri  na kukithiri kuwa sasa kumezuka vitendo vya ulawiti kwa watoto wadogo katika wilaya hiyo na kuripotiwa ofisini kwake.

Alisema kuwa vitendo hivi vya aibu ni ukikukaji wa haki za binadamu, kuwa anasikitika kuona kuwa wazazi wengine wanahusika kuwalawiti  hata watoto wao wakuzaa.

“ Mzee mwenye umri wa miaka 54 ameletwa ofisini kwangu hapa Karagwe kwa kosa la kumlawiti mtoto mdogo wa miaka 10, polisi wakikamilisha kazi yao tutampeleka mahakamani huu  si unyama kweli” Alisema Njiku.

Alisema kuwa vitendo hivi vinavyosababishwa wa baadhi ya vijana wanaokunywa madawa  ya kulevya ni pamoja na unywaji wa vinywaji vikali ikiwemo uvutaji wa bangi ambao alisema  hata katika wilaya hiyo umekithiri.

Aidha aliongeza kuwa mkakati uliotumiwa na kamati ya ulinzi usalama katika wilaya hiyo kwa kuhakikisha vitendo vya ubakaji na mimba za utotoni zina pungua hata vitendo hivi vichafu vitakomeshwa  ambapo pia kuwa watawashirikisha wananchi wema kuwafichua watu hao wabaya.

Hata hivyo amewataka wazazi katika wilaya hiyo kuka a karibu na watoto wao kwa muda wote  na kuwasaidia katika malezi mamea na kuacha tabia ya kuwatuma kwenye  vilabu vya pombe na majira ya usiku.

Mwenye macho haambiwi tazama, hapa sio ziwani la hasha bali ni mafuriko

                                           Mbeki Mbeki, Karagwe

MVUA zinazoendelea kunyesha katika Wilaya ya Karagwe Mkoani  Kagera imeleta madhara makubwa ya kuharibu miundombinu ya barabara, ikiwemo mazao ya kilimo.

Akizungumza jana na waandishi wa habari Diwani wa Kata ya Kihanga Josephat Kibate alisema kuwa barabara kuu kutoka mjini Kayanga kuelekea Bukoba mjini imefungwa kwa muda kutokana na kukatika kwa daraja na mafuriko makubwa yaliyopelekea barabara hiyo kuharibika kabisa.

Bw. Kibate alisema kuwa mvua zinazoendelea kunyesha tangu Aprili 30, mwaka huu hadi hivi sasa zimeleta maadhara makubwa ya kuharibu miundo mbinu ya barabara pamoja na mazao yalioko mashambani.

Alisema mvua hizo zimekata mawasiliano kati ya Kata na Kata na Wilaya na Wilaya  na kamba kwa muda wa siku tatu magari yote ya abiria  hayakuweza kusafiri na wananchi walishindwa kufanya shughuli zao za maendeleo.

Aliongeza kuwa zaidi ya hekari 50 za maharage katika Kata yake zimeharibiwa na mvua ni pamoja na na kahawa ambayo kwa kipindi hiki alisema mvua zinapoendelea kunyesha zao hilo uharibika na kuharibu uchumi wa Wilaya na Taifa.

Kwa upande wake, Diwani kwa Kata ya Kibondo Jean Adamu alisema kuwa barabara inayotoka Katani kwake yenye urefu wa km 30 kuelekea Makao makuu ya Wilaya imeharibika sana ambapo aliongeza kuwa magari makubwa ya wafanya biashara yamekwama katika barabara hiyo kutokana na mafuriko.

Alisema kuwa barabara hiyo imekuwa korofi kwa muda mrefu kutokana na kujengwa chini ya kiwango, na kuwa nyakati za mvua abiria wamekuwa wakipata usumbufu kutokana na maji mengi kutuama barabarani.

Aidha  kwa upande wa Mkuu wa Wilaya ya Misenyi Kanali Mstaafu Issa Njiku akizungumzi suala hilo kwa njia ya simu kutoka Dodoma alikiri kuwepo kwa hali hii ya mafuriko katika sehemu mbalimbali za Wilaya yake na wananchi wengi kuathirika kutokana na mafuriko  hayo.

Hata hivyo amewataka wananchi Wilayani humo wanaoishi katika mabonde kuhama mara moja katika maeneo hayo kuwa hategemei kusikia lawama baadae zikielekezwa kwa Serikali kutokana na Ofisi yake kutoagiza hilo kwa wananchi.

“ Nimekuwa mara kwa mara nawaagiza wananchi kuepuka kujenga mabondeni lakini baadhi ya wananchi ni wagumu kutekeleza maagizo hayo madhara yake wameathiriwa na mafuriko” Alisema Njiku.

Jengo la Kanisa Katoliki ambalo mwili wa Kadinali Rugambwa unatarajiwa kupumzishwa milele

HILI ni  Jengo la Kanisa kuu  Katoliki  Jimbo la Bukoba Mkoani Kagera ambalo mwili wa Marehemu Kardinali  wa kwanza Mwafrika, Laurean  Rugambwa  unatarajiwa kuzikwa rasmi Oktoba 6 mwaka huu.Mazishi hayo yanatarajiwa kufanyika baada ya jengo hili lenye mnara mrefu huenda kuliko majengo ya kanisa hilo katika ukanda wa Afrika Mashariki baada ya kufanyiwa ukarabati mkubwa ambao umegharimu mamlioni ya fedha..

Matukio ya mkutano wa Fedha Arusha

Rais wa Jamhuri ya Muungano wa Tanzania Dr.Jakaya Mrisho Kikwete akifungua mkutano wa 47 wa mwaka wa Benki ya Maendeleo ya Afrika (AFDB) leo mjini Arusha .

Rais wa Serikali ya Jamhuri ya Ivory Cost Dr. Alassane Ouattara (kushoto) akibadilishana mawazo na Rais wa wa Benki ya Maendeleo ya Afrika (AfDB) Dr.Donald Kaberuka(kulia) wakati wa sherehe za ufunguzi wa  mkutano wa 47 wa mwaka wa Benki ya Maendeleo ya Afrika (AfDB) jana mjini Arusha .

Rais wa wa Benki ya Maendeleo ya Afrika (AfDB) Dr.Donald Kaberuka akihutubia wakati wa sherehe za ufunguzi wa  mkutano wa 47 wa mwaka wa Benki ya Maendeleo ya Afrika (AfDB) jana mjini Arusha .

Rais wa Serikali ya Jamhuri ya Ivory Cost Dr. Alassane Ouattara akihutubia wakati wa sherehe za ufunguzi wa  mkutano wa 47 wa mwaka wa Benki ya Maendeleo ya Afrika (AfDB) jana mjini Arusha .

 Rais wa Jamhuri ya Muungano wa Tanzania Dr.Jakaya Mrisho Kikwete (kushoto) akipongezwa na Rais wa Benki ya Maendeleo ya Afrika (AFDB) Dr. Donald Kaberuka (kulia) mara baada ya kumaliza kutoa hotuba ya ufunguzi wa  mkutano wa 47 wa mwaka wa Benki ya Maendeleo ya Afrika (AfDB) jana mjini Arusha . Katikati ni Rais wa Serikali ya Jamhuri ya Ivory Cost Dr. Alassane Ouattara.

Baadhi ya wajumbe wa Mkutano wa 47 wa mwaka wa Benki ya Maendeleo ya Afrika (AFDB) wakifuatilia kwa makini hotuba ya Rais Kikwete wakati wa ufunguzi wa mkutano huo jana mjini Arusha.

Rais wa Jamhuri ya Muungano wa Tanzania Dr.Jakaya Mrisho Kikwete(kulia) akibadilishana mawazo na Waziri wa Fedha Dr. William Mgimwa (kushoto)  wakati wa sherehe za ufunguzi wa  mkutano wa 47 wa mwaka wa Benki ya Maendeleo ya Afrika (AFDB) jana mjini Arusha .

Mkutano wa AFDB Arusha

Rais wa Jamhuri ya Muungano wa Tanzania Jakaya Mrisho kikwete (kulia) akisalimiana  na Waziri wa Uchumi na Fedha wa Nigeria Dr. Ngozi Okonjo- Iweala(kushoto) jana mkoani Kilimanjaro mara baada ya kuwasili KIA kwa ajili ya kuhudhuria mkutano wa mwaka wa AFDB mjini Arusha.

Rais Jakaya Mrisho Kikwete akisalimiana na Msemaji wa Wizara ya Fedha Ingiahedi Mduma jana mara baada ya kuwasilia katika uwanja wa Ndege wa Kimataifa wa KIA tayari kwa ajili ya kufungua mkutano wa mwaka wa AFDB mjini Arusha.

Baadhi ya viongozi waandamizi wa Mkoa wa Arusha na Wizara ya Fedha wakiwa katika uwanja wa KIA wakimsubiri Rais Jakaya Mrisho Kikwete kwa ajili ya ufunguzi wa Mkutano wa  mwaka wa AFDB 

Rais wa Jamhuri ya Muungano wa Tanzania Jakaya Mrisho kikwete  akisalimiwa  na viongozi mbalimbali waliofika katika uwanja wa KIA jana  kwa  ajili ya kumpokea ili aende mkoani Arusha katika ufunguzi wa  mkutano wa mwaka wa AFDB mjini Arusha.

Matukio ya ufunguzi wa mkutano wa AFDB leo jijini Arusha

Rais wa Jamhuri ya Muungano wa Tanzania Dr.Jakaya Mrisho Kikwete akifungua mkutano wa 47 wa mwaka wa Benki ya Maendeleo ya Afrika (AfDB) leo mjini Arusha .

Picha na Tiganya Vincent-MAELEZO-Arusha

Achieni kuchangia anasa -Wito

Na Mwandishi Wetu, Arusha

JAMII nchini imeaswa kuachana na uchangiaji wa anasa badala yake ijikite  zaidi kuyajali makundi yasiyojiweza hususani watoto yatima na wenye maambukizi ya ukimwi wanaolelewa bila msaada wa uhakika kwenye vituo vya watoto yatima .

Hayo yalisemwa jana na mwenyekiti wa kikundi cha Mshikamano cha jijini Arusha,Bw .Godiliste Temba wakati kikundi hicho kilipotembelea na kutoa msaada wa vyakula na vinywaji kwa vituo viwili vya kulelea watoto yatima  kikiwemo kituo Sant Lusia kilichopo Moshono jijini Arusha ,kinacholea watoto wenye maambukizi ya ukimwi pekee na  kituo cha Sant Joseph kilichopo kata ya Mlangalini wilayani Arumeru.

Bw Temba aliwaomba  watanzania kujijengea utaratibu wa kujisaidia wenyewe na kuachana na dhana iliyojijenga ya kutegemea wafadhili  pekee kutoka nje ya nchi ambao  wengi wao wamekuwa wababaishaji huku wakiweka masharti magumu na misaada yao .

Aidha alisema  jamii inakila sababu ya kuguswa na tabu wanayoipata watoto yatima kwani mbali na kukabiliwa na changamoto nyingi kimaisha wamekosa msaada muhimu ya kijikimu hususani elimu bora itakayowasaidia kuondokana na utegemezi hapo baadae.

Ametoa rai kwa kila mtanzania kwamba jukumu la kuyasaidia makundi hayo ni wajibu wakila mtu  iwapo ataguswa nakujitolewa walau kuchangia mtoto mmoja kila mwaka ikiwepo kumsombesha na  kuachana na uchangiaji mkubwa wa anasa ambao umekuwa ukipoteza fedha nyingi kwa muda mfupi

‘’suala la kuwasaidia watoto ni jukumu la kila mtu ni vizuri basi kwa kila mtanzania iwapo ataguswa kwa namna yake na kutoa mchango kwani wengi wetu tumekuwa tukijitoa sana kuchangia harusi zakifahari,bila kujali kuwa michango yetu pia inahitajika kwa makundi mengine muhimu’’alisema

Naye Mkuu wa kituo cha watoto yatoma cha St.Lucia BiWinfrida Mrema,alisema kuwa kituo chake kinalea watoto wenye umri wa miaka 2 hadi 10 wenye maambukizi ya VVU na kimekuwa kikikabiliwa na changamoto kubwa  ya upungufu wa lishe bora kwa watoto hao.

Aliwaomba wananchi kuendelea kujitolea kuwasaidia watoto hao kwani wengi wao hawana wazazi na wamekuwa wakiletwa kituoni hapo wakiwa kwenye hali mbaya ya maambukizi ya ukimwi  baada ya kutelekezwa na wazazi wao au baadhi wazazi  kufariki dunia  na kuwaacha yatima bila msaada .

Aidha kwa upande wa mmiliki wa kituo cha St.Joseph Sister  Crispin Mnate.. alisema kuwa kituo hicho kina jumla ya watoto yatima 46 na wamekuwa wakilelewa katika mazingira magumu kutokana na kukosa ufadhili wa kudumu.

Alisema changamoto kubwa inayokikabili kituo hicho ni ukosefu wa  fedha kwa ajili ya kuwalipia ada  wanafunzi wanaosoma ndani na nje ya jiji la Arusha chini ya uangalizi wa kituo hicho  wakiwemo wawili wanaosoma shule za  sekondari.

Alisema amekuwa  akipokea watoto wachanga wanaozaliwa na wazazi wao kisha kutelekezwa ama kutupwa majalalani na kuwaanzishia huduma ya matunzo hadi kufikia umri mkubwa ,hivyo alidai kuwa uwezo wa kumudu kuwahudumia watoto hao ni mdogo na kuwataka watu binafsi ,mashirika ya umma na taasisi mbalimbali kujitokeza kusaidia vituo hivyo  vya kulelea watoto yatima.

Tanzania yasaini mkataba wa mabilioni ya fedha.

Na Mwandishi wetu, Arusha

 SERIKALI ya Tanzania imesaini mkataba wa msaada wa euro million 10.

Kiasi hicho sawa na shillingi za kitanzania billioni 19.9 kutoka serikali ya Finland kwa mwaka wa 2012/2013.
Akisaini mkataba huo waziri wa fedha Dk william Mgimwa amesema
Serikali ya fanland imekuwa na huusiano wa mda mlefu na serikali ya
Tanzania na imeweza kusaidia miradi mbalimbali kwa lengo la kuinua
maisha ya watanzania kuondokana na umasikini.

Amesema miongoni mwa miradi iliyowahi kufadhiliwa na serikali ya Finland ni pamoja na  miradi ya kilimo,ambapo mradi huo uligalimu
kiasi cha euro million 9,mradi wa kuboresha upatikani wa umeme pamoja
na mradi wa kuboresha mawasiliano ICT uliogharimu euro million 5 pamoja
na miradi mingine kama mradi wa kufuga nyuki na mradi wa kutunza
misitu  uliogharimu euro laki 27,24,300.

Akizungumza na waandishi wa habari mbele ya waziri wa Finland Bi.
Haidi Hautala amesema serikali itahakikisha misaada hii inalenga
sehemu husika ili kuweza kuinua maisha ya watanzania katika maswala ya
kiuchumi.

Amehaidi serikali ya Finland kuwa fedha hizo zitasimamiwa ipasavyo na
kwamba pamoja na chi ya Tanzania kukabiliwa na hali ya umasikini
lakini tadhimini itakuwa inatolewa kwa miladi husika ili pale
patakapohitajika msaada mwingine ulenge katika miradi mingine.