Kutana na Mponzi aliyejitolea kujenga kituo cha utamaduni wa kabila la Wasafwa

Mkazi wa Mwasanga jijini Mbeya Sosteli Mponzi (kulia) akimuonyesha Victoria Zitta Mnyanyi (kushoto) ambaye ni Mshauri wa wanafunzi wa chuo kikuu cha Mzumbe tawi la Mbeya moja ya nyumba ya  kale iliyokuwa inatumiwa na kabila la wasafwa ambalo ni kabila maarufu mkoani humo. Mponzi ameamua kujitolea kujenga kituo cha utamaduni wa kabila hilo ambacho kitatunza  kumbukumbu za utamaduni na mila zote ili kizazi kijacho kiweze kufahamu mambo yaliyofanywa na mababu zao.

(PICHA NA ANNA NKINDA MAELEZO-DAR ES SALAAM)

Baadhi ya wakazi wa Mwasanga jijini Mbeya wa kabila la wasafwa wakimuangalia Mary John akisaga unga wa ulezi kwa kutumia jiwe aina ya “Lwala” wakati walipotembelea  ili kujionea ujenzi wa kituo cha utamaduni wa kabila lao kinachojengwa kwa kujitolea na Sosteli  Mponzi.  Baadhi ya wasafwa waishio  maeneo ya vijijini bado wanasaga unga wa ulezi kwa kutumia jiwe hilo kwa ajili ya kutengenezea pombe.

Mkazi wa Mwasanga jijini Mbeya Sosteli Mponzi (kushoto) akimuonyesha Victoria Zitta Mnyanyi ambaye ni mshauri wa wanafunzi wa  chuo kikuu cha Mzumbe tawi la Mbeya mti wa asili aina ya msulusulu ambao wazee wa kabila la wasafwa walikuwa wakiutumia kwa ajili ya kutibu mifugo. Mponzi ameamua kujitolea kujenga kituo cha utamaduni wa kabila hilo ili kumbukumbu zisiweze kupotea kwani hivi sasa kutokana na utandawazi makabila mengi yamekuwa yakipoteza utamaduni wao.

Baadhi ya wakazi  wa Mwasanga jijini Mbeya  wa kabila la wasafwa wakicheza ngoma aina ya Mbeta ya kabila hilo ambayo inachezwa wakati wa kumaliza msiba “Mwengulo” kama walivyokutwa na mpiga picha wetu hivi karibuni alipotembelea kituo cha kutunza utamaduni na mila za  kabila la wasafwa. Ujenzi wa kituo hicho unajengwa kwa kujitolea na Sosteli Mponzi ili kizazi kijacho kiweze kufahamu mambo yaliyofanywa na mababu zao.

Hapa wakicheza ngoma ya kabila hilo ambayo inachezwa wakati wa sherehe kubwa za kitaifa kama sabasaba na mwaka mpya kama walivyokutwa na mpiga picha wetu hivi karibuni alipotembelea kituo cha kutunza utamaduni na mila za  kabila la wasafwa.

Baadhi ya wakazi  wa Mwasanga jijini Mbeya kutoka kabila la wasafwa  wakimwonyesha mpiga picha wetu jinsi wazee wa zamani wa kabila hilo walivyokuwa wanakunywa pombe aina ya Kimpumu wakati alipotembelea kujionea ujenzi wa kituo cha kutunza utamaduni na mila za  kabila hilo.Kutokana na kuenea kwa magonjwa mbalimbali ya kuambukiza hivi sasa kila mtu anakunywa pombe hiyo kwa kutumia chombo chake.