Wavuvi wavamia ziwa Victoria na majambazi waua moja na kuwapora mali zao

Na Theonestina Juma, Bukoba
MAJAMBAZI wapatao watatu waliokuwa na visu na mapanga wamewavamia wavuvi watatu na kumuua mmoja wao kikatili  na kisha kuwapora mali zao zote ikiwemo samaki tani moja  katika kisiwa cha Gozba ndani ya ziwa Victoria upande wa  Wilaya ya Rorya.
Tukio hilo lilitokea Oktoba 3, mwaka huu saa 5 asubuhi katika kisichwa cha Gozba upande wa Wilayani Rorya Mkoani Mara ikiwa ni siku yao nne ya wakiwa kisiwani humo wakitega samaki.
Mvuvi aliyeuawa kikatili kisiwani humo, ni Bw. Godfrey Ogwanda (24) maarufu kwa jina la Yambo.
Akizungumza na gazeti hili kwa njia ya simu kutoka Katika kijiji cha Bubombi wilayani Rorya, Kaka wa marehemu, Bw. Guka Ogwanda alisema kaka yake wakiwa na wavuvi wenzake wawili walivamia  na majambazi hayo, ziwani wakitega samaki ambapo  Bw. Ogwanda aliuuawa kwa kundungwa kisu shingoni.
Alisema kabla ya majambazi hayo hawajamuua, Bw. Ogwanda,  waliwaona kama wavuvi wenzao , licha ya kuwa walikuwa hawafahamu kabisa, ambapo walileta mtumbwi wao karibu na ya kwao wakiwa hawajui lengo lao.
Alisema mmoja wa wamajambazi hao, waliwaomba kisu cha kutengenezea samaki, ambapo akina kaka yake waliwahoji, wao kama wavuvi wanawezaje kuja kisiwani kuvua sakami bila kuwa na kisu cha kutengenezea sakaki?
Hata hivyo, inadaiwa kuwa watu hao waliwapatia kisu chao walichokuwa nacho, na baadaye majambazi hayo kuwabadilikia na kuwavamia,  na kuanza kuwatosa majini na kisha kuchukua mtumbwi wao na kuunganisha na wa kwao na  kufunga kwa kamba.
Baada ya kitendo hicho majambazi hayo, waliwaingiza wavuvi waliowatosa majini kwenye mtumbwi wao na kuanza  kuchukua mbao walizokuwa nazo ambazo huwa wanatembea nazo ndani ya mtumbwi kwa ajili ya kulalia nyakati za usiku na kuwaamuru kulala kifudi fudi na kuwafunika na mbao hizo na kuwaamwagia barafu waliazokuwa nazo juu ya mbao hizo.
Baada yakitendo hicho, walimdunga kisu Bw. Ogwanda shingoni  urefu wa inchi mbili na nusu upande wa mkono wa kulia, na kuanguka chini, na wao majambazi kuanza kupakia samaki za wavuvi hao kwenye mtumbwi wao.
Alisema majambazi hayo waliwapora  mafula ya dizeli lita 60 na injini ya  mtumbwi wao waliokuwa nayo na kuondoka navyo ambapo Bw. Ogwanda alifia papo hapo kutokana na kuvuja damu nyingi.
Alisema kwa kawaida wavuvi kutoka katika kisiwa cha Sota Shirati, hulazimika kutembea na vyakula vyao, wakati wakisafiri kwenda kutega samaki kutokana na sehemu wanakoenda ni mbali na huwachukua siku nne hadi wiki wakitega samaki.
Halikadhalika wavuvi hao hawatembei na silaha aina yoyote kutokana na kuwepo kwa ukaguzi wanaofanyiwa mfano kama sehemu ya Migingo upande wa Uganda polisi walioko maeneo hayo huwakagua.
Aidha wavuvi hao hulazimika kutembea na kisu kwa jili ya kutengezea samaki pindi inapoonekana kutaka kuharibika, na pia hukitumia wakati wa kupika.
Hata hivyo, gazeti hili likizungumza na Kaimu Kamanda wa Kanda Maalum ya Tarime/ Rorya, Bw. Zakaria Sebastian alikiri kuwepo kwa tukio hilo na kueleza kuwa hajapata taarifa kamili juu yatukio hilo kutoka katika kituo kidogo cha Polisi cha Shirati.
“Tukio hilo lipo, lakini hadi sasa bado sijapata taarifa kamili kutoka kwa mkuu wa kituo kidogo cha Shirati, na tatizo kubwa kati yao na hapa ni mawasiliano”alisema kamanda Sebastian.