HUZUNI, Picha za watoto 7 waliouawa na bomu Karagwe

 

Miili ya watoto watatu waliouawa na bomu papo hapo, wakiwa wamefunikwa kwa khanga wakisubiri kupekwa katika hospitali ya Nyakahanga katika chumba cha kuhifadhia maiti.

Na Theonestina Juma, Karagwe

WATOTO watano wakiwemo wanne wa familia moja Wilayani Karagwe Mkoani Kagera wamefariki dunia kwa kulipukiwa na  bomu la kutupwa kwa mkono wakati wakilichezea kwa zamu huku wengine wakichambua vyuma chakavu kwa ajili yha kwenda kuviuza.

Tukio hilo la kusikitisha limetokea  Oktoba 30, mwaka huu saa 4 asubuhi katika kijiji cha Ihanda na Kata ya Ihanda katika  kitongoji cha Rugarama wilayani hapa.

Watoto waliouawa na bomu hilo wamejulikana kuwa ni pamoja na Fenius Frank miaka mitatu na nusu, Faraja Frank mwaka mmoja na miezi mitatu,na Skatus Kamali (15) wote ni watoto wa familia moja na hao wakubwa wamehitimu elimu ya msingi mwaka huu.

Wengine ni pamoja na Nelson Alfons (14),Edger Gidion na Eradius Robert (17) amejeruhiwa vibaya na amelazwa katika hospitali ya Nyakahanga wilayani humo.

Hata hivyo, mtoto ERADIUS aliyejeruhiwa vibaya huku jnicho lake moja likitoka ndiye serikali ya wilayani humo inamtegemea kama atapona ndiye ataweza kutoa maelezo jinsi bomu hilo lilivyolipuka,lakini hali yake ni mbaya na amelazwa katika hospitali teule ya wilaya Nyakahanga.

Tukio hilo la kusitisha na lililovutia hisia za viongozi wa  wakuu wa wilaya za Karagwe na Kyerwa, waliokuwa wakihudhuria katika kikao cha baraza la madiwani walilazimika kusitisha ushiriki na kukimbia katika eneo la tukio.

Akingumza kwa huzuni katika eneo la tukio hilo baba mzazi wa watoto wanne wa familia moja, Bw.Frank Robert (35) alisema watoto hao walikusanya vyuma chakavu kijijini hapo na kuvilundika nyumbani kwake.

Alisema kati ya vyuma hivyo aliona kitu mfano wa  kibuyu lakini hakuweza kukifuatilia ili kuona ni nini.

"Kuna kitu kama kibuyu nilikiona kwenye vyuma vyao walivyovikusanya hapa,lakini sikukitilia manani kwani si mara yao ya kwanza kukusanya vyuma hivyo kwa ajili ya kuwauzia wafanyabishara wanaotoka mjini Bukoba, Mwanza na Uganda"alisema kwahuzuni.

Hata hivyo, watpoto hao wanaelezwa kuwa walikuwa wakilichezea bomu hilo tangu jana ambapo ilipifika usiku kutokana na baba yao hakulitilia maanani hakuweza kufuatilia ni wapi walikolihifadhi.

Halikadhalika kulipokucha watoto hao waliendelea kulichezea hadi ilipolipuka.

Kwa upande wa Mshauri wa Mgambo wa Jeshi la wananchi Wilayani hapa,Bw.Mukama Sadock pamoja na Mkuu wa wilaya ya Kyerwa Benedict Kitenga wakizungumza katika eneo la tukio walithibitisha kuwa hilo ni bomu la kurushwa kwa mkono unaojulikana kama 'Decensive handgrunet'.

Mkuu huyo ambaye pia ni mtaalamu wa kutegua mabomu na mhandisi alisema huenda mtoto mmoja alijaribu kuvuta kamba au pini ya bomu hilo kwa kutaka kuona kilichomo ndani na ndipo likalipuka.

Kutokana na hali hiyo ametoa tahadhari kwa wakazi wa wilayani hapa kuwa makini na eneo hilo kutokana na watu kutoka mataifa tofauti wanaoenda eneo hilo kutokana na kuwa na kiwanda cha kahawa cha Kagera Estate kinachomilikiwa na mmoja wa Mbunge wa mkoani Kagera.

Aidha amewataka kuchukua tahadhari kwa kitu chochote ambapo wanakitilia shaka.

Hata hivyo, kwa upande wa Mkuu wa wilaya ya Karagwe, Bi. Darry Rwegasira amewataka wananchi kupuuza ujumbe mfupi wa simu uonasambazwa kwa wananchi kuwa hilo ni hujuma, ambao umefanywa na moja ya nchi jirani.

Miili ya watoto hao yamehifadhiwa katika hospitali ya wilaya ya Nyakahanga ambapo baadhi yao wanatarajiwa kuzikwa leo.

mwisho

Kamati ya ulinzi na usalama ikiongozwa na Mkuu wa wilaya ya Kyerwa, Mhandisi, Benedict Kitega wa kati kati aliyewekewa kinasa sauti wakiwa katika eneo la tukio.

majadala husafirishwa kwa baiskeli inapobidi

majalada yanapozidi katika ofisi ya Ded Missenyi, huyu sekretari wake , Bi Idere hulazimika kutumia baiskeli kuzisambaza katika ofisi husika

Kuchota maji ya baraka Nyakijoga ni saa 5 mwanangu do!

Haya maji ya baraka nimesotea kwa saa sita kuyapata kutokana na foleni kubwa, subiri nifunge suruali yangu vizuri ili niweze kuyabeba haya madumu ndivyo inavyoonekana akisema kijana huyu.

Mambo ya wahojaji Nyakijoga Mugana hayoooo

 Hija Nyakijoga hata kitimoto haikukosekana

 Hata msanii huyu wa nyimbo za injili naye alipata nafasi kwa mara ya kwanza kutumbuiza wahojaji kwa wimbo wake wa Bikira Maria.(AVE MARIA)

 Msanii huyu kutoka nchi jrani ya Uganda akifanya vitu vyake jukwaani Nyakijoga

 Sehemu ya waumini mara baada ya kuahirishwa kwa misa ya wahojaji

 Wanafunzi wa shule ya sekondari ya Rulenge Ngara wakichota maji ya baraka kutoka kwenye chemi chemi

 Kila mmoja akitaka aingie ndani ya Kanisa la Nyakijoga kuona maajabu yaliomo humo

 Mimi ni wa kwanza kuingia ndani

 Usafiri unapokuwa Mugumu kwenda kuhiji Nyakijoga hata malori nayo yanaruhusiwa kubeba abiria

Mumimiliki wa Blog hii akiwa mbele ya Kanisa la Nyakijoga iliojengwa juu ya pango linalotoa maji ya chemi chemi ambako Bikiria Maria alitokea miaka 1958

Hija Nyakijoga ilivyofana Leo

 Baadhi ya wafanyabiashara wakiwa wametamdaza chini bidhaa zao, Mgana wakati maelfu wa waumini wa kanisa Katoliki walipofurika katika eneo hilo kuwenda kuhiji

Waumini wa kanisa hilo hawajuli mvua zilizokuwa zikinyesha katika eneo hilo la nyakijoga, zaidi ya kuonekana wakiwa wamepanga mstari mrefu kwa ajili ya kwenda kuchota maji ya baraka.

Mueni Macho kulinda Kanisa letu alimozikwa Kardinali Rugambwa-Kanisa katoliki Bukoba

Na Theonestina Juma
UONGOZI  wa Kanisa Katoliki Jimbo la Bukoba, umewataka waumini wa kanisa hilo,  kulinda kanisa lao alimozikwa  masalia ya Mwadhama Laurean Kardinali Rugambwa kwa hali  na mali kwa kuzingatia ulinzi shirikishi.
Rai hiyo ilitolewa Oktoba 22, mwaka huu ikiwa ni moja ya matangazo yaliosomwa na mumini wa kanisa hilo aliyejitambulisha kwa mumiliki wa blog hii kwa jina la Bw. Philbert Nshengoma.
"Waumini wote mnatakiwa kulinda jengo la kanisa letu, kwa kuzingatia ulinzi shirikishi, mnapomtilia mtu shaka toeni taarifa mara moja katika kituo cha polisi"alisoma sehemu ya  tangazo hilo lilivyosema.
Alisema waumini wa Kanisa hilo, wanatakiwa kuwa macho, kwa kulinda kanisa hilo ambalo limewagharimu mabilioni ya fedha, kwa kuhakikisha linakuwa salama.
Hatua ya kutolewa kwa tangazo hilo kwa maelfu wa kanisa hilo mjini Bukoba, limekuja siku chache baada ya kuibuka kwa migogoro ya kidini na uchomaji moto makanisa  ya kikristo kwa fujo hapa nchini.
Jengo la kanisa hilo la Birikira Maria wa Huruma, limefanyiwa upanuzi na ukarabati wa hali ya juu kutokana na fedha za wahisani na waumini wa Jimbo la Bukoba.
Jengo hilo ambalo kwa sasa ndilo linaonekana kuwa la thamani na kivutio kikubwa kwa baadhi ya wageni waozuru mkoani hapa, ndimo alimozikwa kwa mara pili masalia ya Kardianali Rugambwa, hapo Oktoba 6, mwaka huu, baada ya kutaka ifanyike hivyo enzi za uhai wake.

Kamati ya kudumu ya Bunge ya sheria ndogo yapigwa butwaa na madai ya Uongozi wa Missenyi kutojua mapato halisi ya uzalishaji wa kiwanda cha sukari cha Kagera

Na Mwandishi Wetu, Bukoba
KAMATI ya Kudumu ya Bunge ya sheria ndogo, imeugiza uongozi wa
halmashauri ya Wilaya ya Missenyi,kufuatilia na kuhakikisha inapata
taarifa sahihi kuhusiana na mapato halisi yanayozalishwa na Kiwanda
cha sukari cha Kagera ili iweze kupata ushuru stahiki.
Agizo hilo limetolewa jana (LEO) na Mwenyekiti wa Kamati
hiyo,Sylvester Mabumba wakati akisoma taarifa ya majumuisho ya ziara
yao mkoani yaliofanyika mjini hapa na kuhudhuriwa na Watendaji na
Wenyeviti wa halmashauri zote za Mkoani hapa.
Alisema hayo kutokana na kamati hiyo kushangazwa na maelezo ya
halmashauri hiyo kuwa inapata ushuru wa huduma (service levy) kutoka
kiwandani hapo bila kuwa na takwimu zinazoiwezesha halmashauri kujua
mapato halisi ya kampuni hiyo.
"Ili ijiridhishe kama mapato wanayopata ni stahiki, ni lazima
halmashauri iendelee kufuatilia na kuhakikisha inapata taarifa sahihi
kuhusiana na mapato halisi yanayozalishwa na kampuni, kamati
haikubaliani na hali hii" alisema katika taarifa hiyo.
Alisema kamati hiyo imegundua kuwa halmashauri nyingi hazipati ushuru
wa huduma kutokana na minara ya mawasiliano ambayo imewekwa na kampuni
za simu za mkononi.
Kutokana na hali hiyo kamati hiyo imeziagiza halmashauri kuhakikisha
zinatunga sheria zitakazoziwezesha kutoza ushuru wa huduma kutoka kwa
kila kampuni ambayo ina minara ya mawasiliano kati halmashauri
husika."
Kila halmashauri ina haki ya kupata ushuru wa huduma kutoka kwa mtu au
kampuni ambayo imewekeza ndani ya mipaka ya ene la halmashauri hiyo si
vinginevyo"alisema.
Aidha halmashauri zote za mkoa Kagera zinatakiwa kutambua kuwa
madhumuni ya kutungwa kwa sheria ndogo hayapo katika kukusanya mapato
tu, bali pia kuwezesha uwepo wa utawala wa sheria katika uendeshaji wa
shughuli za kila siku za halmashauri.
mwisho.

Sheria ndogo zilizotungwa kwa kimombo chanzo cha wananchi kutozitekeleza kikamilifu- Wabunge

Na Theonestina Juma, Bukoba

SHERIA ndogo nyingi za halmashauri za wilaya Mkoani Kagera hazieweki kwa wananchi wengi kutokana na kuwa katika lugha ya kiingereza, imeelezwa.

Aidha kutokana na sheria hizo kuwa katika lugha hiyo ya kigeni ni miongoni  mwa  changamoto zinazojitokeza katika hatua ya utekelezaji wa sheria hizo mkoani hapa.

Hayo yamebainishwa jana (leo) na Mwenyekiti wa kamati ya kudumu ya Bunge ya sheria ndogo, Bw. Sylvester Mabumba wakati akitoa taarifa ya majumuisho ya ziara yao mjini hapa  yaliohudhuriwa na baadhi ya watendaji  na Wenyeviti wa halmashauri za mkoani Kagera.

Kutokana na hali hiyo, kamati hiyo iliziagiza halmashauri zote kuhakikisha zinatafsiri sheria ndogo hizo kuwa katika lugha ya Kiswahili ambayo wananchi wote wanaielewa vyema.

Mbunge Mabumba alisema kulingana na takwimu zilizopo ambazo ni theluthi tatu sawa na asilimia 33 hadi 36 katika sheria za halmashauri za mkoa wa Kagera zilizotungwa ziko katika lugha ya kiingereza.

Alitoa mfano kama wilaya ya Karagwe sheria ndogo 11 sawa na asilimia 36.6 ya sheria ndogo 30 zilizotungwa ziko katika lugha ya kiingereza.

Halikadhalika wilaya ya Ngara sheria nne sawa na asilimia 36.3 kati ya 11 zilizotungwa ziko katika lugha hiyo ambayo asilimia kubwa ya wananchi hawaimudu kabisa.

Hata hivyo, kamati hiyo ilisema kuwa sheria hizo ndogo za halmashauri hazipewi kipaumbele unaostahili ikilinganishwa na sheria zinazotungwa na Bunge, na kwamba wananchi wanauelewa mdogo juu ya umuhimu wa kuzihemu mfano katika suala nzima ya usafi.

“Sheria ndogo zina hadhi na umuhimu kama sheria zilizotungwa na Bunge, hivyo hazina budi kuheshimiwa na makundi yote ya jamii, wakiwemo wanasiasa ambao wamekuwa wakilalamikiwa kushawishi wananchi wasitii sheria ndogo kwa manufaa yao binafsi”alisema.

“Tunawakumbusha na kusiistiza kwamba hakuna aliye juu ya sheria katika nchi hii”aliongeza.

Kwa mantiki hiyo, aliwataka watendaji wa halmashauri za mkoani hapa wabadilike na kutekeleza majukumu yao kikamilifu kwa mujibu wa sheria zilizopo na si kwa mujibu wa viongozi walio juu yao na wanasiasa.

Alisema usimamizi wa sheria unapaswa kutekelezwa na halmashauri zenyewe kwani ni mamlaka zilizopo kisheria.

Hata hivyo, alisema kamati hiyo ya Bunge itashauriana na serikali kuhusu namna ya bora ya kuwa na mfumo na utaratibu wa kuharakisha utuingwaji wa sheria ndogo za halmashauri zote nchini ili kuondoa usumbufu unaosababishwa na kuchelewa kukamilika kwa sheria hizo.

Alitoa mfano kama wilaya ya Karagwe kuna sheria zilipekwa katika Ofusi ya Waziri Mkuu, Tawala za M ikoa na serikali za Mitaa (TAMISEMI) ili kufanyiwa kazi tangu mwaka 2006 hadi leo hazijarudishwa katika halmashauri hiyo.

Hata hivyo alizishauri halsmahauri hizo ziwe na utaratibu wa kuwezesha wanasheria wake kufuatilia na kuhakikisha sheria ndogo zilizopo katika mchakato wa kutungwa zinakamilika kwa wakati ili kurudi kwa ajili ya kuanza kutumika.

Mwisho.

Wekeni viyoyoni ndani ya meli ya Mv. Victoria daraja la 3 ili abiria waweze kuvuta hewa safi-Dkt.Tizeba

Naibu waziri wa uchukuzi Charles Tizeba akitoa maelekezo kwa maofisa wa bandari alipotembelea bandari ya Bukoba.

Meli ya mizigo ikipakia sukari ilikutwa bandari ya Bukoba.

 Tibeza akiongea na wasafiri aliowakuta bandarini.

 Baadhi ya wasafiri ambao walikutwa kwenye jumba la wageni lililoko bandaria ya Bukoba.

 Naibu waziri akiangalia huduma zinazotolewa na meli ya Victoria.

Sehemu ya mandhari ya bandari ya Bukoba.

 Naibu waziri akielezwa huduma zinazotolewa na kampuni inayomiliki meli ya Victoria.

Meli kongwe nchini ya victoria ambayo hufanya safari zake kati ya mikoa ya Mwanza na Bukoba, ilikuwa imeegeshwa bandari ya Bukoba, Naibu waziri ameutaka uongozi wa kampuni ya meli kuhakikisha unaweka mazingira mazuri kwa wasafiri ambayo ni pamoja na kuiwekea meli hiyo viyoyozi ili wasafiri waweze kuvuta hewa nzuri na pia waifanyie usafi kwenye maeneo yote.

Ujenzi wa ofisi mpya ya RC Kagera kwa bilioni 11 wagawa wajumbe wa RCC

                                      Pichani chini ni baadhi ya wajumbe wa kikao cha ushauri mkoani Kagera.

Na Theonestina Juma, Bukoba
UJENZI wa ofisi ya kisasa ya Mkuu wa Mkoa wa Kagera uliotarajiwa kugharimu zaidi ya sh. bilioni 11, umewagawa wajumbe wa kikao cha kamati ya Ushauri ya Mkoa,baadhi yao wakitaka usitishwe kwa muda huku wengine wakitaka uachwe kabisa.
Hayo yamebaikana jana baada ya Mwenyekiti wa kikao hicho ambaye ni Mkuu wa Mkoa Kagera, Kanali Fabian Massawe kutaka kupata msimamo wa wajumbe wa mkutano huo, ambao mwaka 2008 waliridhia kuanza kwa mchakato wa ujenzi wa ofisi mpya ya Mkuu wa Mkoa katika Kata ya Kahororo nje kidogo ya Manispaa ya Bukoba kwa gharama ya. bilioni 11,640,043,127.
Katika suala hilo ambalo lilikuwa ni vuta ni kuvute kwa baadhi ya wabunge wa Mkoani Kagera na watendaji wa serikali,wabunge walitaka ujenzi huo uachwe na badala yake ubadilishwe mradi huku watendaji wa serikali na wenyeviti wa halmashauri wakitaka ujenzi usitishwe na utafutwe fedha kwa ajili ya ujenzi huo.
Mwenyekiti wa halmashauri ya wilaya ya Karagwe, Bw. Kashunju Rwenyogote alisema kama hakuna fedha wanapaswa kupumzika na kuangalia ni wapi wanaweza kupata fedha lakini si kuacha kabisa ujenzi huo, kutokana na kikao hicho ndicho kilisharidhia kuanza kwa mchakato wa ujenzi huo.
“Hili wazo tulishaliridhia sisi wenyewe, hivyo si jambo nzuri kualiacha, lazima wazo letu liendelezwe”alisema.
Naye Mbunge wa Jimbo la Bukoba vijijini, Jasson Rweikiza akizungumzia suala hilo, alisema lazima kuwepo na vitu vizuri katika mkoa wa Kagera kama wanavyodhamiria kuendelea kuishi katika jengo la mkoloni kila mara kukarabatiwa na kupakwa rangi imeshapitwa na wakati.
“Lazima tuwe na vitu vizuri kama tulivyodhamiria,jengo la mkoloni linapakwa rangi halifai kwa karne hii, suala la kujenga makao makuu ya mkoa sio jukumu la mkoa ni la serikali kuu”alisema.
Naye Mbunge wa Jimbo la Nkenge, Asumpta Mshama  uongozi wa mkoa ulioanza ujenzi huo kwa wakati usiofaa wa kujenga jengo la bilioni 11 wakati hakuna kitu kinachoingiza.
Alisema eneo hilo wanatakiwa kuingia ubia na Shirika la nyumba la taifa (N.H.C) kujenga hoteli ya kitalii ili kuweza kuwaingizia kipato.
Aidha alionesha kushangazwa na unjenzi wa nyumba hiyo yenye vyumba 90 hali iliomlazimu kuhoji vyumba vyote hivyo vitawekwa nini.
“Vyumba 90… mnaenda kuweka watu gani? Kujenga ofisi kwa sasa sio wakati wakati, wakati mkoa unamahitaji mengi sana, heri sisi tuna ofisi maeneo mengine hawana”alisema.
Halikadhalika alitoa tahadhari kwa ujenzi wa ofisi hiyo mpya usiwe chanzo cha kuanza kuwachangisha wanakagera fedha kujenga ofisi ya mkuu wa mkoa Kagera, wakati si wakati wake.
Kwa upande wa Mkuu wa wilaya ya Kyerwa, Mhandisi Benedict Kitenga akizungumzia suala hilo alisema hata katika wilaya ya Rorya imejengwa ofisi yenye vyumba 95 hivyo ujenzi wa ofisi ya Mkuu wa mkoa ukiwa na vyumba 90 hakuna tatizo.
Alisema kutokana na mkoa wa Kagera kuwa na rasilimali nyingi hakuna haja ya kuuliza fedha zitatoka wapi, kwani watu wanafedha.
“Vyumba 90 sio tatizo, wala watu wasihoji fedha zitatoka wakati, ni wakati kujengwa ofisi mpya ya Mkuu wa mkoa Kagera, watu wa mkoa huu ni matajiri, tunachotaka sisi ni Mkuu wa mkoa Kagera kuwana ofisi yenye hadhi”alisema.
Kwa upande wa Mkuu  wa wilaya ya Bukoba, Bi. Zipora Pangani alisema kwa sasa ofisi alimo halimtoshi, na kwamba wazo la ujenzi ofisi hilo lilikuwa la msingi na hivyo serikali kuu linatakiwa lichukuwe jukumu la kujenga ofisi hiyo.
Alisema licha ya kuwa kwa sasa fedha zimekosekana, uongozi uweza kuwapatia wawekezaji kiwanja hicho, na wao baadaye watafute kiwanja kingine kwa ajili ya ujenzi wa ofisi hiyo pindi pesa zitakapopatikana.
Naye Katibu Tawala Msaidizi miundombinu Bw. Seif Hussein mkoa kagera uko katika hadhi kutokana na kupapaka na nchi nchi za Afrika Mashariki.
Alisema imefika wakati sasa, kuwa jengo la kisasa ya mkuu wa mkoa kwani hakuna anayejuwa huenda mkoa Kagera ukawa ni makao makuu ya Jumuiya ya Afrika Mashariki.
Awali katika taarifa hiyo ambayo ilisomwa na Katibu Tawala wa Mkoa Kagera, Mnabila Nassor alisema kuwa jengo  hilo lililobuniwa ni vyumba vya ofisi 90, ni sawa na jengo la Mkuu wa mkoa wa Manyara, likiwa na mgahawa, vyumba vya mikutano pamoja na ukumbi mkubwa wa mikutano wenye uwezo wa kuchukuwa watu 500 kwa wakati mmoja.
Alisema sekretarieti ya mkoa ilianza kukasimia na hatimaye makisio hayo yaliidhinishwa na Bunge katika mwaka wa fedha 2008/2009 ambapo mradi huo ulitarajiwa kukamilika ndani ya miaka mitatu.
Alisema serikali iliahidi kutoa kiasi cha sh. bilioni 3 kila mwaka ambapo utekelezaji wa mradi huo ulipangwa kufanyika katika awamu tatu.
Hata hivyo, sababu kubwa ya kurudishwa tena wazo hilo katika kikao cha RCC,  na uongozi wa mkoa ni kutokana na maoni tofauti yanayotolewa juu ya mradi huo, ambapo Juni mwaka huu Kamati ya kudumu ya Bunge ya hesabu za serikali (PAC) walipotembelea mkoa Kagera waliuagiza  sekretarieti wa mkoa kufikiria kwa makini kuona kama kuna haja ya kuendelea na ujenzi huo.
Pia iliagiza sekretarieti hiyo, ifikirie kupaendeleza mahali hapo kwa njia nyingine ambayo itakuwa faida katika mkoa.
Hatua hiyo ilitokana na kuwepo kwa tatizo la fedha  ambapo badala ya kutumia sh. bilioni 11 katika kujenga ofisi  na badala yake wazielekeze katika kutatua matatizo mengine.
Hadi mwisho, Mkuu wa mkoa huo, Knali Massawe alisema maamuzi yataletwa katika kikao kijacho, kusitisha kwa muda ama kuacha na kumtafuta mwekezaji.
Mwisho.

Mashabiki 5 wa mpira wa miguu wachinjwa na gari la polisi Ngara

Na  Theonestina Juma, Bukoba
WATU watano wamefariki dunia na wengine 26 wamejeruhiwa katika ajali ya gari la polisi la mkoani Kagera wakati wakitoka kwenye mashindano ya mpira wa miguu wa polisi Jamii wilayani Ngara.
Habari zilizopatikana mjini hapa na kuthibitishwa na Kamanda wa polisi Mkoani Kagera, Phillip Kalangi, ajali hiyo imetokea Oktoba 14, mwaka huu saa 2 usiku katika barabara ya Kabanga  Rusumo wilayani Ngara.
Imeelezwa kuwa  ajali hiyo ilihusisha gari la polisi lenye namba ya usajili PT 2007 iliokuwa imebeba mashabiki wa timu ya polisi jamii, wapatao 31 kutoka kwenye mashindano ya mpira yaliofanyika Kabanga.
Gari hilo lilipata ajali baada ya kugongana na semi trella ambayo ilikuwa ikienda nchini Rwanda, ambapo gari  la polisi  lilikuwa likikwepa semi trella hilo lakini lilijigonga kwenye jiwe kwa mbele na kupinduka.
Watu waliofariki katika  ajali hiyo wamejulikana kuwa ni pamoja na Rwekaza Philipo, James Rutaihwa  na  Erick Richard.
Wengine ni pamoja na Kazungu na Nature waliopatikana kwa jina moja moja na wote ni wakazi wa wilayani Ngara.
Aidha majeruhi 26 wamelazwa katika hospitali Teule ya Omurugwanza ya wilayani Ngara, ambapo watu watatu walimelezwa kuwa hali yao ni mbaya  na watu 23 walitibiwa  na tayari wamesharuhusiwa.
Kamanda Kalangi alisema chanzo cha ajali hiyo ni kupasuka tairi  baada ya gari la polisi kugonga jiwe wakati likikwepa semi trella.
Mwisho.

Mwanafunzi wa kidato IV Kagemu nusura ajifungue kwenye chumba cha mtihani, akimbizwa hospitalini chapu chapu, afyatua mtoto wa kike kwa upasuaji

Na Theonestina Juma, Bukoba
MWANAFUNZI Stella Charles (23) wa kidato cha nne katika  shule ya sekondari Kagemu, nusura  juzi ajifungue katika chumba cha mtihani baada ya kushikwa na uchungu wa uzazi.
Tukio hilo la aina yake ambalo limekuja siku chache baada ya mwanafunzi wa  kidato cha nne katika shule ya sekondari ya Bukoba, Agnes Vedasto (16-17) kuzujiliwa kufanya mtihani kutokana na kuwa na mimba ya miezi tisa.
Mwanafunzi huyo, Charles alijifungua mtoto wa kike Oktoba 12, mwaka huu saa 2.30 usiku kwa njia ya upasuaji na amelazwa katika wodi ya wazazi namba 9 katika chumba cha waliojifungua kwa upasuaji hali yake ikiwa inaendelea vizuri, kutokana na awali alikuwa akikabiliwa na ugonjwa wa kifafa cha uzazi.
Hayo yamebainika leo baada ya waandishi wa habari kufika hospitalini hapo kumjulia hli baada ya uongozi wa hospitali ya Mkoa Kagera kushindwa kutoa ushirikiano kwa wandishi wa habari waliokuwa wkaifuatilia suala hilo.
Waandishi wa habari walilazimika kujifanya kama wanaoenda kuwaona wagonjwa jana (leo) saa 7.00 ikiwa ndiyo muda wa kuwapelekea wagonjwa chakula katika hospitali ya mkoa Kagera.
Mwanafunzi huyo akizungumza na waandishi wa habari bila kujua anazungumza na akina nani, alisema alikuwa akijua wazi kuwa ni mjamzito, hata baadhi ya walimu wake walijua lakini walimtaka ajikaze ili afanye mtihani wake wa mwisho.
Alisema siku ambayo anashikwa na uchungu, alisikia kama anaumwa jino, ambapo akiwa katika mtihani wa vitendo (Practical)  somo la Biologia saa 5 asubuhi, alianguka chini na kupoteza fahamu.
Alisema kutokana na hali hiyo, alipewa huduma ya kwanza ikiwa ni pamoja na kupewa dawa aina ya panadol ambapo alipopata tena ahueni na kurudi kuendelea na practical hiyo,alidondoka chini na uongozi wa shule kulazimika kukimbikiza katika hospitali ya mkoa kwa kutumia gari la shule.
Alisema “tangu asubuhi naingia kwenye chumba cha kufanya mtihani wa pratical, nilikuwa sijikii vizuri, nilisikia kama jino linaniuma na sikutegemea kujifungua wiki hii, wala kujifungulia hapa, mimi nilitegemea kwenda kujifungulia nyumbani lakini nimeshangaa, lakini namshukuru Mungu nimemaliza mtihani wangu”alisema.
Akizungumzia mategemeo yake ya mbeleni ni kuwa mwanasheria, licha ya kuwa mtihani wake wa pratical hakuweza kumaliza.
Hata hivyo, mwanafunzi huyo alipofikishwa hospitalin I hapo, alipopimwa alikutwa akiwa anaumwa uchungu  lakini mtoto huyo amezaliwa kabla ya kutimiza miezi tisa kamili kwani alibakiwa na takribani wiki moja kulingana na maelezo aliopewa  na madaktari.
Mwanafunzi ambaye hana mama zaidi ya baba yake ambaye anaishi wilayani Sengerema Mkoani Mwanza na anakabiliwa na ugonjwa wa kiharusi alikuwa akiishi na kaka yake Bw. John Charles tangu utotoni na kwamba ndiye alikuwa akimsomesha lakini wakati akikaribia kumaliza elimu hiyo alikorofishana na wifi yake na kulazimika kuhamia kwa mtu mwingine.
Alisema mke aliyemlea ni mke wa kwanza wa kaka yake, ambapo walikorofishana na kaka yake huyo na Bw. John na kukimbia na Bw. John akaamua kkuoa mke mwingine, ambaye ndiye alimfukuza kwake baada ya kumleta mdogo wake wa kike ambaye hasomi.
Alisema kutokana na hali hiyo, mwanafunzi mmoja anayesoma shule ya sekondari ya Bukoba na anahitimu elimu yake ya sekondari mwaka huu, aliyemtaja kwa jina la Thobias, Charles alilazimika kwenda kwa baba yake mzazi kumwombea akae hapo kutokana kujua matatizo ayanayomkabili na ikizingatiwa kuwa wote ni ni wasukuma, ambapo baba yake Thobias aliridhia.
Hata hivyo kwao Thobias ambako amekaa takribani miezi mitatu, hadi anafikia hatua ya kujifungua, hakuna mtu alayejua kama ni mjamzito.
Hata hivyo, baadhi ya wanawake wawili ambao waandishi wa habari waliwakuta wakumhudumia mwanafunzi huyo,wakizungumza na wandishi wao bila kuwa ni akina nani aliyejitambulisha kwa jina la Grace  Leonard mkazi wa kijiji cha Kabale alisema mwanafunzi huyo, alifikishwa hospitalini hapo akiwa hajitambui.
“Stella aliletwa hapa akiwa hajitambui, lakini tunamshukuru Mungu, amejifungua  mtoto wake wa kike, lakini kwa njia ya upasuaji, na alikuwa akisumbuliwa na ugonjwa wa kifafa lakini kadri siku zinazvyokwenda hali yake inazidi kuimarika”alisema Bi. Grace.
Grace alisema yeye kutokana na kuwa na uzoefu na wanawake wenye mimba, alimhisi kuwa mjamzito kutokana na  miguu yake kuvimba lakini hakuweza kumuliizia kutokana na mwanafunzi huyo alikuwa kijisomea kwa bidii pindi alipomaliza shughuli za nyumbani.
Alisema mwanafunzi huyo, alikuwa amepewa sehemu ya kukaa nyumbani kwao kwa takribani miezi mitatu sasa, baada ya kufukuzwa na wifi yake mke wa kaka yake aliyemtaja kwa jina la  John Charles.
Gazeti hili lilishudhia wanawake wengi wakiingia katika chumba hicho, kumpa hongera huku wengine wakilazimika kununulia khanga kwa ajili ya madaso ya mtoto kiutokana na kutokuwa na msaada wowote.
Hata hivyo, mwanafunzi huyo alipoulizwa juu ya baba mtoto huyo, alisema kuwa anafanya kazi katika Kampuni ya basi la Mombasa raha, ambapo hakuwa tayari kumtaja jina lake.
Tukio hilo limethibitishwa na Afisa elimu Sekondari wa Manispaa ya Bukoba, Bw. Simon Mwombeki ambapo hata hivyo alisema kuwa mwanafunzi huyo amelazwa lakini taarifa ya kujifungua hajapata, kulingana na maelezo aliopewa na Mkuu wa shule hiyo aliyemtaja kwa jina la Thadeus Lungu.
Mwisho.

Uwanja wa Bukoba kutokamilika kwa wakati-Dkt.Tizeba atoa karipio

 

Massawe akijadiliana jambo na Naibu waziri  Dkt. Charles Tizeba na watendaji wengine walienda kuona hali ya ujenzi wa uwanja wa ndege wa Bukoba.

 Bukoba

SERIKALI imetishia kumsimamisha kazi mkandarasi anayekarabati na kupanua uwanja wa ndege wa Bukoba  kwa kiwango cha lami kwa zaidi ya sh. bilioni 25 kutokana na kuwa nyuma kwa utekelezaji kwa zaidi ya miezi minne kinyume na mkataba wake.

Tishio hilo limetolewa  jana na Naibu Waziri wa Mawasiliano na Uchukuzi, Dkt.Charles Tizeba alipofanya ziara ya siku moja ya kukagua maendeleo ya ujenzi na upanuzi wa uwanja  wa mjini Bukoba,  pamoja na hali ya bandari za Bukoba na Kemondo.

Alisema” fedha zipo lakini nashangaa kwa nini mkandarasi huyo amechelewa kumaliza ukarabati na ujenzi wa uwanja huo kwa kiwango cha lami, serikali inaweza kusitisha mkataba na mkandarasi huyo”.

“Wajitahidi wabadili ratiba yao ya kazi ili kuweza kukamilisha uwanja huo kwa muda uliopangwa na kuweza kutukabidhi  uwanja wetu kulingana na mkataba , vinginevyo tunaweza kuchukua fedha yao kwa mkandarasi kwani kuna ile fedha anapewa mkandarasi asipokukabidhi mradi kwa wakati tunataka hiyo… tutachukua, na tusipomwona kama hawezi kumaliza mkataba huo kwa wakati tutamwambia toka”alisema

 Na kuongeza kuwa “Sisi tunachotaka ni huduma, hatutaki mabishano yao, hayo ni ya kwao tunachohitaji ni kukabidhiwa mradi wetu kwa wakati”.

Uwanja huo ambao unaofanyiwa ukarabati na upanuzi na kampuni ya CGG  Mecco joint venture, awamu ya pili  kulingana na taarifa ya ofisi ya Mkuu wa Mkoa Kagera ilipangwa kutekelezwa katika mwaka 2010/2011 inahusha kuweka lami na kujenga “building terminal”.

  Awali Mkuu wa Mkoa Kagera, Kanali Fabian Massawe akitoa taarifa kwa Naibu Waziri huyo alilalamikia kucheleshwa kufidiwa wananchi 46 waliobomulewa nyumba zao kupisha unanuzi wa ujenzi wa uwanja wa ndege huo kwani imefikia hatua sasa wanatishia kuandamana na kwamba tayari wananchi wanne wameshalipwa.

Pia alisema inashangaza katika ujenzi wa nyumba ya kumpuzikia wageni hakuna hata chumba maalum cha wageni mashuhuri  jambo alilomwomba Naibu Waziri kulitafakari.

Alisema ujenzi wa uwanja huo ni fursa mojawapo ya kuleta maendeleo katika mkoa wa Kagera.

Hata hivyo, kwa upande wa Mkurugenzi wa ufundi wa Mamlakka wa Viwanja vya ndege nchini (TAA), Bw. White Majura alisema ndani ya mwaka huu wa fedha ni kuhakikisha kuwa wanamaliza kulipa fidia kwa wote ambao wametathiminiwa ambapo fedha zote za fidia  ni zaidi ya sh. bilioni 1.9.

Alisema tatizo ni kuwa wanapata fedha kwa awamu kutoka serikalini, na wao watawalipwa kwa mfumo huo wa awamu.

Naye Meneja wa uwanja wa ndege wa mjini Bukoba, Julius Murugwana alisema ujenzi na upanuzi wa uwanja huo utakapokamilisha utawezesha ndege kutua uwanjani hapo muda wote na kwamba pia upo mpango wa kujenga uwanja wa kimataifa katika eneo la Omukajunguti wilayani Missenyi mpakani mwa Tanzania na Uganda.

Alisema ujenzi wa nyumba cha kupumzikia wageni hakuna chumba cha wageni mashuhuri wala hakuna kumbi za kuwahudumia na hiyo inatokana na benki kukataa kuhusisha jengo na mkataba.

Hata hivyo alisema serikali na Mamalaka inajipanga ili kuweza kugharamikia ujenzi wa jengo hilo la wageni mashuhuri.

Kwa upande wa makandarasi wanaojenga uwanja huo waliahidi kuongeza kasi ya ujenzi huo ili uweze kukamilika na kuukabidhi.
                                                    #