Katibu Tawala wa Biharamulo ang'olewa jino na JWTZ

Biharamulo

KATIKA hali isiyo ya kawaida, askari Jeshi (JWTZ) wapatao tisa wanadaiwa kumvamia Katibu Tawala wa Wilaya ya Biharamulo  ofisini kwake na kuanza kumshushia kipigo kikali hadi kumvunja jino moja taya na kumjeruhi sehemu mbali bali mwili.

Tukio hilo la kusitisha katika idara ya utumishi wa umma, lilitokea Aprili 18, mwaka huu saa 9 alasiri wilayani humo.

Sababu za kumpekelea Askari Jeshi la wananchi (JWTZ) kumvamia Katibu Tawala wa wilaya hiyo ofisini kwake , Bw.Msoud Biseyamaga  kwa madai ya kukamata pikipiki mmoja inayodaiwa kumilikiwa na mmoja wa askari jeshi hao  wakati zoezi la kufanya usafi wa mazingira ukifanyika kama ilivyo kawaida.

Akizungumza na waandishi wa habari wilayani humo, Mkuu wa Wilaya ya Biharamulo, Bw. Ernest Kahindi amethibitisha kuwepo kwa tukio hilo, ambapo amedai  kuwa kitendo cha viongozi hao kupigana tena ndani ya ofisi ikizingatiwa wote ni wajumbe wa Kamati ya ulinzi na usalama wa wilaya hiyo, ni udhalilishaji na umevunja mpaka wa utumishi.

Alisema viongozi hao wamedhalilisha na kuvunja utaratibu, kanuni , sheria na maadili za utumishi wa umma, ambapo uataribu unafanyika wa kukaa kwa kamati ya ulinzi na usalama wa wilaya ili kuangalia ni hatua gani za kisheria zinaweza kuchukuliwa dhidi yao.

Mkuu wa wilaya ambaye wakati wa tukio hilo likitokea hapokuwepo ofisini kwake, ambapo kwa maelezo yake alisema kuwa alikuwa hospitali ya wilaya alisema kuwa awali alipata taarifa kuwa katibu Tawala na CO wanapigana ilimlazimu kuja mbio ambapo walipofika ofisini kwa katibu tawala huyo walimkuta akiwa amejificha ndani ya mmoja ya chumba ndani ya ofisi yake baada ya kupigwa na Wanajeshi hao.

Hata hivyo, kwa upande wa Mganga wa hospitali teule ya wilaya ya Biharamulo,Dkt. Grasmus Sebuyoya akizungumza na waandishi wa habari hopitalini hapo, alikiri kumpokea Katibu tawala huyo, ambapo alipopimwa amekutwa akiwa amepasuka taya yake, kungo’olewa jino moja la juu na kuumizwa jicho lake la kushoto.

Alisema  maumivu hayo yanaonesha kuwa alipigwa sehemu mbali mbali hasa kichwani kwa nguvu.

Hata hivyo, katika tukio hilo ambalo ni ndara kutokea, chanzo cha ugomvi huo ulitokana na sheria ndogo ilipo mkoani hapa ya kila wilaya inapaswa kupanga siku yake ya kufanya usafi, ambapo kwa wilaya ya Biharamulo siku ya kufanya usafi ni kila jumatano ya kila wiki.

Kutokana na siku hiyo, hakuna mtu yeyote anayeruhiswa kufanya kazi yoyote hasa za kibiashara hadi ifikapo saa nne asubuhi.

Hatua ya kufikia katibu Tawala huyo anadaiwa kukamata pipiki moja ambayo hata namba yake ya usajili haijajulikana ikiwa inaendeshwa na mtu anasiyemfahamu bila kujua kuwa  ni ya mmoja wa wanajeshi hao wa wilayani humo.

Hata hivyo, Kamanda wa polisi mkoa wa Kagera, Henry Salewi alipoulizwa na blog hii juu ya tukio hilo alidai kuwa hajapata taarifa zozote juu ya sakata hilo na kwamba labda blog hii imuulize Mkuu wa wilaya ya Biharamulo au Mkuu wa Mkoa Kagera, Kanali Fabian Massawe.

mwisho.