Watoto 804 kupata kipaimara Bukoba

JUMLA ya watoto 804 ambao ni waumini wa Kanisa Katoliki Jimbo la Bukoba mkoani Kagera wanatarajiwa kupewa kipaimara Julai 8, mwaka huu. Habari za kuaminika katika Kanisa Katoliki la Rumuli mjini hapa, watoto hao wanatarajiwa kupata kipaimara na Askofu wa Kanisa hilo, Nestory Timanywa mjini Bukoba. Watoto hao 804 ni kutoka katika Manispaa ya Bukoba pekee, ambapo kuanzia jumatano wiki hii watoto hao wataanza kutubu dhambi zao kiawamu hadi Jumosi wiki ijayo. Watoto hao wanafanikiwa kupewa daraja hilo baada ya kupata mafunzo ya kanisa hilo na kufaulu mtihani wao kwa takribani mwaka mmoja sasa.