Askofu Kilaini :-Wazazi wafundisheni watoto wenu kufanya kazi

PICHANI:- Dkt.Askofu Kilaini akimpaka mafuta mmoja watoto kati ya 804waliopata kipaimara leo katika Kanisa la Rumuli mjini Bukoba.

Na Theonestina Juma, Bukoba

ASKOFU Mkuu Msaidizi wa Kanisa Katoliki Jimbo la Bukoba, Dkt.Methodius Kilaini amewataka wazazi nchini  kuwafundisha watoto  kufanya kazi kwa kujituma hata kama wanazo fedha nyingi kiasi gani za kuwaletea wafanyakazi wa ndani.

Askofu Kilaini ametoa rai hiyo  jana (leo) wakati akihubiri katika misa takatifu ya kanisa Katoliki la Rumuli mjini hapa ambapo pia alitoa  kipaimara kwa watoto 804 wa kanisa hilo kutoka katika kata takribani 10 za Manispaa ya Bukoba.

“Wazazi mnapaswa kuwasaidia watoto wenu kukua kupenda kazi na si kuwa wavivu , msikuze watoto wenu katika uvivu, wataendelea nao hadi ukubwani ambapo wataanza kulalamikia maisha magumu, maisha hayawezi kuwa mepesi kama mtu ni mvivu, hata kama mnazo pesa kiasi gani ya kuwaletea mfanyakazi wa ndani si kila kitu afanyiwe mwanao, unadhani umanjenga katika mazingira ya aina gani?alihoji.

“Kuna wazazi wengine wanafedha zao, hawataki watoto wao wateseke,… wanaletea mfanyakazi wa ndani, ambapo kila kitu anafanyiwa, iwe nguo, kuoshewa vyombo alivyolia … hapa mzazi hujengi mwanao katika mazingira ya kupenda kufanya kazi  bali ya  uvivu, mtoto atakuwa mvivu wa kupindukia akiwa mkubwa….”alisema

Alisema asilimia kuba ya wazazi ambao waliteseka wakati wa makuzi yao ndiyo huongoza kuwadekeza watoto wao, ambapo hawataji wanao watekeseke kama alivyoteseka jambo alilosema kuwa ni kumharibu mtoto zaidi.

Alisema watoto wanapaswa kukua katika juhudi na si katika uvivu  na hilo ni jukumu la wazazi kwa sababu watoto hao waliopewa kipaimara huu ndiyo wakati wao wa kujenga ama kubomoa.

Aidha Dkt. Kilaini aliwataka watoto hao wasiwe na akili mgando kutokana na kila mtu amepewa talanta yake na Mungu na hivyo wanapaswa kuvitumia ipasavyo.

mwisho