Maofisa wa TANESCO msiwaringie wananchi wanapohitaji kuunganishwa umeme ndani ya nyumba zao-Rais Kikwete

Na Theonestina Juma, Kagera

WANANCHI wametakiwa kuchangamkia fursa ya umeme mara ifikapo katika maeneo yao  kwa kuingiziwa ndani ya nyumba zao kwa ajili ya kuchochea maendeleo yao.

Rai hiyo imetolewa na Rais Jakaya Kikwete kwa nyakati tofauti wakati akizungumza na wananchi Kata ya Nyaishozi Wilayani Karagwe na Manispaa ya Bukoba.

Rais Kikwete alisema  serikali imepanga kuongeza uzalishaji wa nishati ya umeme na kufikia megawati 3,000 ifikapo mwaka 2015.

Alisema katika mpango huo pia itaiunganisha katika grid ya taifa mikoa yote nchini ili kuharakisha maendeleo ya wananchi  ikiwemo maeneo ya vijijini.

Alisema “ umeme wa grid ya taifa ndiyo tunaupa kipaumbele, kwa vile ndiyo kitakuwa kichocheo cha maendeleo kwa wananchi”alisema.

“Umeme wa Uganda hautoshi, kwani hata  Waganda wenyewe umeme huo hauwatoshi, huo umeme si kwa ajili ya uzalishaji kulingana na jinsi ulivyo”aliongeza.

Alisema mpango wa kuongeza uzalishaji wa umeme unakwenda pamoja na kuongeza uwezo wa  kuusambaza na kuunganisha mikoa ambayo haikuwa katika grid ya taifa.

Alitaja mikoa hiyo kuwa ni pamoja na Kagera,Mtwara, Ruvuma ,Lindi, Katavi, Ruvuma,Rukwa, na kigoma.

Hata hivyo Rais Kikwete aliwageukiwa Maofisa wa TANESCO na ksuema kuwa wanatakiwa kutambuwa kuwa wanaishi kwa kuuza umeme hivyo tabia ya kuwaringia wananchi pindi wanapotaka waunganishiwe nishati hiyo ndani ya nyumba zao waache.

“Kuna baadhi ya maofisa wa Tanesco wananchi wakihitaji waingizie umeme ndani ya nyumba zao, wanataka mpaka wabembelezwe, wahongwe … ofisa heshima yako inapungua kwa tabia hiyo”alisema Rais kwete.

Katika hatua nyingine Rais Kikwete aliwataka wananchi wanapokuwa wakidai haki yao lazima nao watimize wajibu wao  wa kuunganishwa nishati hiyo katika nyumba zao.

Halikadhalika alisema wananchi hao wakiwa hodari kudai nao wawe hodari katika utekelezaji ili uwekezaji wa nishati hiyo ilingane na usambazaji na uunganishaji.

Aidha  kwa upande wa Waziri wa Nishati na madini, Profesa Sospeter Muhongo alisema bajeti ya wizara hiyo imeongeza kutoka sh. bilioni 600 hadi kufikia trioni 1.2.

Alisema kwa sasa serikali ina mpango wa kuachana na umeme wa mitambo ya mafuta kutokana na gharama kubwa ya uendeshaji  ambapo serikali imepanga kuongeza kasi ya kupeleka umeme maeneo ya vijijini.

Hata hivyo, Profesa Muhongo aliwataka madiwani nchini  kupunguza safari za halmashauri ili fedha zipatikane za kuunganisha umeme wa jua katika maeneo ya shule za sekondari nchini kupitia wakala wa umeme vijijini [REA]..

“Umeme wa jua kuunganishwa katika shule moja ya sekondari katika vyumba vinane  gharama yake sh. milioni 3.9, ni kiasi kidogo sana, shule za sekondari hasa maeneo ya vijiji wanaweza kuingiziwa umeme wa jua , kama madiwani watapunguza safari zao ndani ya halmashauri”alisema Profesa Muhongo.

Alisema halmashauri zinatakiwa kushirikiana na REA kupeleka umeme vijijini, badala ya kubaki kusubiria serikali kuu.

Rais Kikwete alivyohitimisha ziara yake Mkoani Kagera , mafahari wawili wa Manispaa ya Bukoba mmoja aondoka kichwa chini mwingine vicheko

Na Theonestina Juma
Rais Jakaya Kikwete ameingilia kati ugomvi uliopo kati ya Waziri wa Maliasili na Utalii, Balozi Hamis Kaghasheki na Meya wa Manispaa ya Bukoba, Dk. Anatory Amani, kwa kuwataka wakae chini na kumaliza tofauti zao.

Rais aliyasema hayo katika uwanja wa Kaitaba alipokuwa akihitimisha ziara yake ya siku situ mkoani Kagera aliyoianza Jumatano wiki iliyopita.

“Mbunge na Meya wakiendelea kutiliana shaka wanaoumia ni wananchi, malizeni tofauti zenu kwa sababu hakuna lisilokuwa na mwisho,” alisema.

Hata hivyo, Rais Kikwete alisema masuala yaliyokuwa yakiwagonganisha Meya na Balozi Kaghasheki ambaye ni Mbunge wa Bukoba Mjini, ya ujenzi wa soko pamoja na viwanja ni mambo ya maendeleo.

Katika ugomvi huo, Kaghasheki anapinga ujenzi wa soko jipya mjini Bukoba kwa madai kwamba haukufuata maamuzi ya vikao vya Baraza la Madiwani wakati Meya akisisitiza ujenzi huo kwa maelezo kwamba maamuzi ya ujenzi yamepitishwa kwenye vikao vya baraza la madiwani.

Rais Kikwete alisema ujenzi wa soko ni suala la maendeleo na lazima lijengwe kwani wakazi wa Bukoba hawawezi kubaki katika mfumo wa analogia wakati sasa watu wanaingia katika giditali.

Alisema kabla ya wafanyabishara wa soko kuu hawajahamishwa lazima uongozi wa Manispaa iwatafutie eneo wajasiriamali wanaoendesha biashara zao kwenye soko la sasa ambalo litavunjwa na kujengwa jipya, kwani hapo ndiko asilimia kubwa wanategemea kupata riziki yao ya kila siku.
 .
Alisema "lazima wale wafanyabishara watakoondolea ndani ya lile soko, baada ya kukamilika kwa ujenzi wake wao ndiyo wawe wa kwanza kupatiwa maeneo, na sio kupewa kipaumbele, kwani neno hilo limejaa walakini mwingi, labda wanaweza kufikiriwa wakati wengine wameshapewa maeneo ya biashara, .... wawe wa kwanza kupangishwa mule"alisema

“Ujenzi wa soko ni maendeleo na karne hii ni ya teknolojia, ni uamuzi mwema; mkitaka mambo ya zamani basi na nyinyi mtakuwa ni watu wa kizamani,” alisema.

 “Katika mradi huu mpya wa viwanja 5,000 kwanza wapeni hao 800 wa zamani maana walikwishalipia hilo ni deni la manispaa wala haliwezi kukwepeka hata kama viongozi wa sasa hawakuwapo wakati huo, lakini halmashauri ilikuwepo” alisema Rais Kikwete.

Aidha kuhusus kutojulikana idadi kamili ya viwanja vilivyopimwa katika manispaa ya Bukoba, Rais Kikwete alisema viongozi hawawezi kuishi kwa kushukiana bali wanatakiwa kuaminiana.

Maelezo yaho ya Kikwete yalitoka na malalamiko yaliotolewa na Balozi Kagasheki pamoja na mambo mengine kuhusu kero ya soko kuwa imeleta malalamiko kutoka kwa wananchi kutokana na kutofuatwa kwa baadhi ya taratibu ikiwamo waliomo kutojua watahamishiwa wapi wakati soko hilo likijengwa na muafaka wao baada ya ujenzi.

Kuhusu ardhi, alisema viwanja 5,000 vilivyopimwa havifahamiki na kwamba baadhi ya wananchi hawakupewa fidia na wengine walilipwa kidogo na kwamba wanaodai viwanja ni 800 na walikwishalipa tangu mwaka 2003.

Alisema Manispaa inawataka wananchi hao kuongeza fedha ndipo wapewe viwanja vilivyopimwa katika mradi wa sasa.

Mgogoro kati ya viongozi hao ulianza baada ya uongozi wa Manispaa kutangaza utekelezaji wa miradi mbalimbali ikiwamo ya ujenzi wa soko jipya na la kisasa na upimaji wa viwanja 5,000.

Kwa upande wake, Mbunge wa Bukoba Vijijini (CCM), Jason Rwekiza, alisema bei ya kahawa inayotolewa na Chama Kikuu cha Ushirika mkoani humo (KNCU), haikidhi mahitaji ya wakulima.

Kadhalika, alizungumzia utekelezaji wa ahadi iliyotolewa na aliyekuwa Makamu wa Rais, Dk. Ali Mohamed Shein ya ujenzi wa barabara ya Bukoba –Bugabo Rubafu yenye urefu wa kilometa 42 lakini bado haijajengwa.

Kero nyingine alitaja kuwa ni mradi wa umeme vijijini akieleza kuwa baadhi ya vijiji havikuingizwa kwenye mpango wa Wakala wa Umeme Vijijini (REA), Kivuko cha Kyanyabasa, pamoja na mradi wa maji vijijini kwamba kati ya vijiji 10 ni kimoja tu kilichotengewa fedha.

Akijibu hoja ya barabara na kivuko, Waziri wa Ujenzi, Dk. John Magufuli, alisema itatengewa fedha pindi zitakapopatikana na kwamba kuhusu kivuko, serikali inaangalia utaratibu wa kujenga daraja.

Kuhusu kero ya maji, Waziri wa Maji, Profesa Jumanne Maghembe, alisema vijiji tisa vilivyotajwa na mbunge viko kwenye bajeti na kuzitaka halmashauri kutekeleza miradi ya vijiji vyote na kwamba wananchi watachangia baadaye.

Kwa upande wake, Waziri wa Nishati na Madini, Profesa Sospeter Muhongo, alisema ni dhamira ya serikali kuviunganisha vijiji vyote kwa umeme ifikapo mwaka 2015.

Rais ameziagiza halmashauri zote nchini kutatua kero ndogondogo za wananchi kama ushuru wa mazao kwa kuwa ziko ndani ya uwezo wao badala ya kumsubiri yeye.

Kushamiri kwa magendo ya kahawa Kagera , Rais Kikwete aunda kamati ya kufuatilia chanzo

Na Theonestina Juma

RAIS Jakaya Kikwete amelazimika kuunda kamati ndogo ya kufuatilia tatizo la wakulima kuuza kahawa nchi jirani kwa njia ya magendo badala ya kuuzia vyama vya ushirika vya mkoani hapa.

Rais Kkwete alilazimika kuunda kamati hiyo ndogo akiwa Wilayani Karagwe itakayoongozwa na Waziri wa ardhi na makazi, Profesa Anna Tibaijuka lengo likiwa ni kutaka kujua ni sababu zipi zinazopelekea wakulima kuuza kahawa yao nchini Uganda kwa njia ya magendo.

Alisema kitendo cha wakulima kuuza kahawa yao nje ya nchi kwa njia ya magendo ni kujinyima maendeleo yao pamoja na nchi na kukuza uchumi wan chi jirani.

“Nataka nijue ni kwa nini wakulima wa mkoa huu wanauza kahawa yao  nchi jirani tena kwa njia za magedo, na nini kifanyike,ndani ya miezi miwili naomba nipate taarifa hiyo”alisema.

Rais Kikwete alisema mbali na kamati hiyo kuongozwa na Profesa Tibaijuka pia itahusisha wakulima wa zao la kahawa pamoja ndizi, Wizara ya kilimo na ushirika na Wataalam wa kilimo kutoka Ofisi ya Mkuu wa Mkoa Kagera na vyama vya ushirika vya mkoani hapa.

Aidha idara ya viwanda na masoko  nao watahusishwa kwa jili ya kufuatilia bei ya masoko kama ndiyo sababu kuu inayowafanya wakulima kuuza kahawa nchi jirani.

Halikadhalika aliitaka kamati hiyo pia kuchunguza ni kwa nini watu wengi wanapenda kahawa kutoka Tanzania aina ya Organic ambayo wakulima hawatumii aina yoyote ya dawa za viwandani.

Alisema tabia ya wakulima kuuza kahawa yao nchi jirani wakati wao hakuna kahawa wanayoiuza humu nchini haliwezi kukubalika.

“kwa nini nyie muwauzie kahawa yenu wakati wao hakuna kahawa wanaowauzia hapa nchini? Kwa nini mdai maendeleo kama ya barabara hapa, kwa nini msiende mkadai huko Uganda mnakowapelekea?alihoji Rais Kikwete.

"Maendeleo mlilie, kahawa mnakimbiza kwingine, kustawisha uchumi wao unapopeleka sehemu nyingine, mnajinyima maendeleo yanu"aliongeza.

Kutokana na hali hiyo, aliwataka wakazi wa mkoani hapa kuacha kuuza kahawa yao nchi ya Uganda kwa njia ya magendo kwani kufanya hivyo wanajinyima maendeleo.

Katika hatua nyingine, Rais Kikwete ameiagiza kamati hiyo ndogo kuangalia ni kwa namna gani wakulima wanaweza kuuza ndizi zao wenyewe nje ya nchi badala ya nchi ya Uganda kuingia nchini na kuulangua na kupeleka nje ya nchi.

Alisema watanzania wanatakiwa kuondoa dhana ya kuwa hawawezi jambo lolote kama ya kuuza ndizi wenyewe nje ya nchi wakati uwezo huo wanao.

“Tatizo watu wanautamaduni ya wanatafuta baya hilo ndilo wanang’ang’abalo wakati kumbe wanaweza, lazima mtoke hapo”alisema

Hata hivyo kwa upande wa Waziri wa kilimo na Ushirika, Mhandisi Christopher Chiiza alisema kwa sasa  kamati hiyo imekubaliana kufanya uchunguzi huo kwa mwezi mmoja ambapo baada ya hapo majibu yatakuwa tayari.

Alisema licha ya uchunguzi huo utafanywa kwa kutumia mbinu ya kiltelijinsia lakini anamaani kuwa watafanikiwa.

Mwisho.

Wanaomezea mate maeneo ya ardhi ya JWTZ waonywa

Na Theonestina Juma,Missenyi

SERIKALI imetoa angalizo kwa wananchi wake wanaotamani maeneo ya Jeshi la Wananchi (JWTZ) kamwe hawawezi kuruhusiwa kutokana na maeneo hayo ni kwa ajili ya usalama wa nchi.

Angalizo hiyo imetolewa jana na Rais Jakaya Kikwete wakati
akihutubia wananchi katika uwanja wa mashujaa Bunazi ambao ulitumika kuwapokelea wapiganaji kutoka vita vya Idd Amin mwaka 1979 wilayani Missenyi.

"Kuna watu wanamezea mate maeneo ya JWT hapa nchini lakini
kamwe hawawezi kuondoka, labda mpaka nipewe taarifa na kujiridhisha, kwani hakuna nchi ambayo Jeshi haina maeneo yake maalum kwa kazi maalum”alisema Rais Kikwete.

"Watu wasidhani kuwa wanaotamani ardhi ya Tanzania waliishia
kwa Idd Amin pekee, wako wengi hadi hivi sasa kwani hata marafiki zako iko siku wanaweza kukugeuka tu"aliongeza.

Rais Kikwete alisema watu wasidhani kuwa  maeneo wanakokaa wanajeshi wanakaa tu, bali ni kwa ajili ya kazi maalum ya kulinda usalama wa nchi na wananchi.

Alisema kamwe wananchi wasitegemee kuwa maeneo ya mipakani jeshi linaweza kukaa nyuma ya mlima hiyo haiwezekani wenyewe wanautaratibu wao.

Alisema kama kuna tatizo kati ya wananchi na JWTZ heri waambiwe kwanza na Mbunge kabla ya kuwafikishia wananchi.

Alisema kabla ya kutoa maamuzi kwanza atahitaji taarifa kamili juu ya ardhi ya wapi katika eneo gani wanayohitaji wananchi.

Alisema " wanajeshi kuondolewa katika maeneo hayo huenda ni kuwapunguzia usalama wa nchi"

 Maelezo hayo yaliojaa angalizo ya Rais yalitokana na malalamiko ya wananchi wa Jimbo la Nkenge kwa Mbunge wao Assumpta Mshama ambaye nae aliyawasilisha kwa Rais.

Bi.Mshama alisema kuna maeneo ya ardhi ya wananchi ambayo yamechukukiwa na Jeshi na kukaa bila matumizi yoyote.

Miongoni mwa vituko katika Ziara ya Rais Kikwete Mkoani Kagera

Burudani ya Ngoma ikiendelea wakati wananchi wa Mjini Biharamulo wakimsubiri .Rais Jakaya o Kikwete awasili kutokea Muleba Waziri John  Magufuli naye hayuko mbali na utaalam wa kupiga ngoma.John Magufuli na wewe unaweza kupinga ngoma??

Dr. John naye akionesha kufurahia mndundo wake wa ngoma.

Pichani Rais Kikwete akizindua mradi wa maji Muleba

                      Rais kikwete akimtwisha maji mkazi wa muleba baada ya kuzindua mradi




                        endelea kufuatilia ziara ya rais kikwete jamcobukoba.blogspot.com

waepukeni wachochezi wanaotaka kuwagawa kwa misingi ya kidini

Na Theonestina Juma, Kagera
RAIS Jakaya Kikwete amewataka Watanzania kujihadhari na baadhi ya watu wanaotaka kuwagawa watu katika misingi wa kidini na kusababisha nchi kutumbukia katika vitendo vya kuuana wenyewe kwa wenyewe.
Rais Kikwete ametoa kali hiyo jana wakati wa majumuisho ya ziara yake ya siku sita mkoani hapa.
Rais Kikwete alisema kuna baadhi ya watu wachache ambao  hawafurahishwi na jinsi Watanzania wanavyoishi bila vurugu zozote na hivyo hawaoni raha.
“Mnajua katika jamii hii, kuna sampli nyingi sana , kuna  baadhi ya watu  mazingira ya utulivu haiwapi raha , wanabaki kujiuliza hivi ni kwa nini kumetulia, wapo … msikubali kuwapa nafasi sampli hii watawavuruga kweli , mkishavurugana ndiyo furaha yao, kwa kawaida wapenda vurugu huwa na sauti kubwa.. wanapiga kelele na sauti zao zina mwangwi mkubwa kweli”alisema
Alisema wapo wapenda amani wengi hapa nchini lakini kupitia utofauti wa dini kamwe wasikubali kutoa nafasi hata kidogo.
Watu hao mambo ambayo hayana msingi kwa kawaida yao huyakuza ili yawe makubwa na kuleta uvunjivu wa amani miongoni mwa wananchi,hasa katika sakata lililoibuka kuwa ni nanianastahili kujinja.
“Hivi nyie mnadhani , kuwa wazee wetu wa zamani walioamua kuweka mambo hayo yawe hivyo walikuwa hawafai …walijua… ndiyo maana amani imedumu miaka yote katika nchi hii”alisema.
Alisema watu wengi kutoka nchi tofauti mara nyingi hujiuliza ni kwa nini Tanzania haina matatizo ya amani na utulivu , hawana ugomvi na nchi yoyote, wala wa kijeshi, watu hao wanataka Tanzania ifanane na nchi zingine ambazo ziko kwenye vita.
“Kwa nini hatunanani nao, wanaona kikabila haiwezekani, kwa sasa wanaota ni kidini ndiko kunawezekana, Watanzania wenzangu tusipotanabahi hii, tutauana bure kwani ugomvi wa kidini biblia itabaki bibblia na Quarani itabaki hivyo hivyo, wala haitakuwa na ukurasa mpya utakaoandikwa leo kwani wakristo walikuwapo tangu miaka 200 iliopita vivyo hivyo kwa Waislamu kwa nini wagombane leo kuna kitu hapa”alisema
Hata hivyo alionesha kusikitishwa na baadhi ya viongozi wa dini nao kushindwa kutanabahi hilo jambo  badala yake baadhi yao wanazidi kuenesza chuki.
Alisema watu  ambao hawaitakii mema Tanzania ameona kuwa kupitia dini ndiko kunaweza kuivuruga nchi hivyo, hivyo viongozi wa dini wasikubali kuwapatia nafasi.
“Kamwe msikubali kucheza ngoma ambayo siyo yetu,hawataiweza, mimi niko leo na miaka mitano  ijayo sijui nitakuwepo, na nitaendelea kusema kwani nikisema kuna baadhi ya waislamu wanaonichukuia vivyo hivyo kwa wakristo lakini nitawaambia kuwa hii ni mbaya”alisema
Aidha alisema mbaya zaidi suala la dini kwa sasa linatumbukizwa katika siasa, ndiko wanakopeleka, watu wanatengeneza wafuasia wa wanasiasa wawe wa dini yake pekee nchi haiwezi kuwa na amani.
“Huko wanakopeleka nchi siko, nchi itakuwa na matatizo makubwa iwapo hayo tutayaendekeza, jambo ambalo Watanzania wengi wanalikataa’alisema.
Alisema vitu hivyo havina maana wala faida kwa jamii, na bali waache watu wajigawe kwa kufaa kuwa wakuu wa wilaya, wakurugenzi na sio kuingiza shughuli za dini katika siasa, na matokeo yake wataka wakuu wa wilaya nusu wawe wakristo nusu waislamu vivyo hivyo katika idara zote za serikali jambo ambalo haliwezekaniki.

Ulegevu wa idara ya uhamiaji chanzo cha ongezeko la wahamiaji haramu nchini-Kikwete

Na Theonestina Juma,Kagera
ULEGEVU wa Maofisa wa Idara ya uhamiaji nchini hasa maeneo ya mipakani  chanzo cha wahamiaji haramu kufikia zaidi ya  56,000 kutokana na kujua bei zao ndogo, jambo ambalo ni tishio na  hatari kwa usalama  wanchi kwa miaka 50  ijayo.
Kauli hiyo imetolewa na Rais Jakaya Kikwete wakati wa majumusisho ya ziara yake ya siku sita mkoani hapa, uliofanyika katika Ikulu ndogo katika Manispaa ya Bukoba na kuhudhuriwa na wakuu wote wa Wilaya, wakurugenzi, baadhi ya watumishi wa serikali ,sekta binfasi na viongozi wa dini.
Alisema “ ulegevu wa  maofisa wa idara ya uhamiaji haramu ya kutokuwa wafuatiliaji , wao ni  chanzo na sehemu ya tatizo, kwani pindi watu hao wanapoingia  hakuna anayewafuatilia na kuwauliza wameingije nchini, kibali kiko wapi, matokeo yake wahamiaji haramu wanaingia nchini kwa kasi ya ajabu  jambo linatolishia usalama wa nchini miaka 50 ijayo”.
Alisema maofisa hao wanatakiwa kusimamia kikamilifu utambuzi wa watu wasio raia na kufuatilia vitabu walivyopeleka maeneo ya vijijini, kata na tarafa.

“Kuna watu wanaishi nchi hii kwa kibali cha mtendaji wa kijiji, Afisa mtendaji wa kata, kwa kuhongwa ng’ombe wawili, lakini kwa afisa uhamiaji makini lazima amfutilie Yule mtu na kumuuliza umeingiaje humu, akimwonesha kibali cha mtendaji awakamate na kuwapeleka wote mahakamani kwani wanakuwa wameingilia kazi ya Idara ya uhamiaji…, tatizo wameachwa muda mrefu, wamezoea”alisema.
“Maofisa hawa wa uhamiaji, ndiyo wameifikisha nchi hapa tuliko jambo kubwa wao wanalifanya ovyo ovyo tu, pale wanapotakiwa kuchua hatua hawachukui kwa nini, viongozi wenu wanafanya mchezo na wahamiaji haramu  ambao miaka 50 ijayo wataambia wenyeji kuwa ni wageni na wao kuonekana kuwa ndiyo wenyeji, hili ni jambo ambalo haliwezekani hata kidogo”aliongea kwa kuhamaki.
Aidha alionesha kushangazwa na uchunguzi zinazofanywa na Taasisi ya kupambana na rushwa pamoja na maofisa wa Idara ya uhamiaji licha ya kuwepo kwa saini ya  mtendaji wa kijiji, kata, ama diwani kwenye kibali  wanachowapa wahamiaji haramu, lakini huchukua muda mrefu katika uchunguzi bila kuangalia kuwa uingizaji watu nchini kinyume cha utaratibu ni tatizo.
Lazima suala la wahamiaji haramu kutazamwa kwa jicho la kipee si kwamba hatutaki waishi nchini la hasha bali wafuate utaratibu wa kuingia na kuishi nchini.

Rais Kikwete alisema kila wilaya na vituo alikolazimika kusimama kuwasikiliza wananchi kilio cha kwanza kilikuwa ni juu ya wahamiaji haramu.

 Rais Kikwete akisimikwa kuwa chifu wa wilayani Missenyi 
Kwa sasa watu wananung’unikia lakini huko mbeleni litakuwa tatizo kumbukeni, labda mimi sitakuwepo, lakini kwa kizazi hicho kijacho, watamlalamikia nani, si sisi ndiyo chanzo cha haya yote kwa nini tusichukue hatua mara moja kutokomeza jambo hili, kwa nini suala kubwa tunalikukuliwa kwa uzito  mdogo?alihoji.
Alisema  uongozi wa Mkoa wa Kagera unapaswa kujua kuwa watu hao sio ng’ombe wanaoswagwa hivyo katika utaratibu unatakiwa kufuata  unaostahili wa kuwaondoa hapa nchini ikiwa ni kujulishwa .Alisema “Katika suala hili la wahamiaji haramu, msako sio jibu akiingia nchini  akiingia nchini aondoke kwani serikali kupata sh. milioni 800 kwa ajili ya shughuli hilo pia ni tatizo kubwa”.
Alisema baadhi ya wahamiaji haramu hao wanajiita ni Watanzania lakini cha kusitikisha na kushangaza ni kuwa hawajui hata kuzungumza kiswali jambo linalosikitisha .
Halidhalika Rais Kikwete alisema kuwa chanzo cha kuharibika kwa usalama kwa upande wa Kagera ni kutokana na kuingia kwa wakimbizi hapa nchini ambapo mwaka 1963 walikuwa ni wa aina nyingine ambapo tena walioingia mwaka 1993 waliingia nchini na bunduki zao.
“Miongoni mwa hao wakimbizi wapo waliojisalimisha na wengine walijificha na sialaha zao kwa ajili ya kufanyia uhalifu, pori la kimisi na burigi wanyama wamekwisha , wakimbizi waliwamaliza, watu hao wameacha sihala nzito na ndogo ndogo tunataka tuziondoe”alisema.
Alisema wanatakiwa kuondoa mifugo yanayochungwa katika mapori hayo ili hifadhi ya wanyama ibaki kwa ajili wanyama pekee na sio mifungo ambao wamesababisha baadhi ya wanyama pori kukimbia. 
Alisema wakati wa Hayati Mwalimu Julias Nyerere walipotakiwa kuchukua uraia ni wakimbizi 30,000 tu ndiyo waliochukua uraia wengine walikataa, na wakati wake huu ni wakimbizi 160,000 ndiyo waliochukua uraia.
Alisema si kwamba hawataki watu kuchukua uraia na kuukana uraia wanchi yao la hasha bali wafuate utaratibu na nchi wasiibalidi kama shamba la bibi ya kila mtu anaingia na kutoka jinsi anavyojisikia.

Rais Kikwete akiwa katika picha ya pamoja na baaadhi ya waandishi wa habari Mkoa Kagera

 Rais Jakaya Kikwete akitawazwa kuwa Omukama (Chifu) wa Missenyi wakati wa ziara yake ya siku sita mkoani Kagera. Anayemsimika ni kiongozi wa wazee wa Missenyi, Mzee Ernest Babeiya.

 Rais Jakaya Mrisho Kikwete akikata utepe kuzindua rasmi ujenzi wa barabara ya Kyaka-Bugene kwa kiwango cha lami katika kijiji cha  Bunazi, mkoani Kagera, akiwa na mawaziri alioongozana nao katika ziara yake hiyo ya siku sita mkoani humo.

 Rais Jakaya Mrisho Kikwete akihutubia wananchi katika uwanja wa Kaitaba mjini Bukoba

Rais Jakaya Mrisho Kikwete akiwa katika picha ya pamoja na wanahabari wa vyombo mbalimbali wa mkoa wa Kagera ambao waliongozana naye katika ziara yake ya siku sita mkoani humo. Rais Kikwete amewapongeza wanahabari hao na kutoa shukurani nyingi kwa kazi nzuri ya kuufahamisha umma kila hatua ya ziara yake kwa ufasaha na weledi.

Wanahabari hao pia wamefurahi kuona kwamba Rais hakuja na jopo la wanahabari kutoka Dar es salaam kwa kuwaamini wao, hatua ambayo  wamesema imewapa faraja na furaha kubwa na  kujiamini zaidi.
Kutoka kulia karibu na Rais  ni mmiliki wa blog hii, Bi.Theonestina Juma,Bw. Medy Mulisa,Bi. Abela Kamala,kulia ni karibu na Rais Kikwete ni Bi. Angela Sebastian, Bw. Mathias Byabto, Bw. Charles  wa TBC Taifa,

Rais Jakaya Mrisho Kikwete akifunua kitambaa kuzindua rasmi ujenzi wa barabara ya Kyaka-Bugene kwa kiwango cha lami katika kijiji cha  Bunazi, mkoani Kagera, akiwa na mawaziri alioongozana nao katika ziara yake hiyo ya siku sita mkoani humo.

Serikali lawaonya watendaji wa vijiji, kata na madiwani wanaogeuka wakala wa maofisa uhamiaji

NaTheonestina Juma, Karagwe
RAIS Jakaya Kikwete amesema ole wao  wenyeviti wa vijiji, maofisa watendaji wa kata, vitongoji na madiwani wanaojifanya mawakala wa maofisa wahamiaji wanaotoa vibali kwa wahamiaji haramu watakaobainika watakamatwa na kufikishwa mahakamani.
Onyo hilo limetolewa na jana na Rais Kikwete kwa nyakati tofauti katika wilaya za Kyerwa na Karagwe wakati akizungumza na wananchi.
“Masuala ya Uhamiaji haramu imeshatuchosha na hali hii inatokana na baadhi yenu nyie wananchi kuwapokea na kuwapatia hifadhi na kuna baadhi ya wenyeviti wa mitaa,vijiji kata na madiwani wanaojifanya mawakala wa maofisa uhamiaji wanatoa
vibali kwa wahamiaji haramu, ndani ya wiki wiki zijazo tutaendesha msako mkubwa
wa kuwasaka na wale watakaobainika watakamatwa na kufishwa mahakamani”alisema
Alisema wahamiaji hao wanapopewa vibali hivyo huvidurufu na kugawiana na hivyo huanza
kuingiza mifugo nchini kinyume cha sheria.
“Jana nimepita katika pori la kimisi wakati tunaenda wilayani Ngara, katikati  ya pori niliona ndama bila mama yake hivi inawezekaje ndama kuwa  peke yake, nikamuuliza Mkuu wenu wa Mkoa, Kanali Fabian massawe ananiambia kuwa ni ya wahamaji haramu, wanaingiaje nyie ndiyo mnaowapatia hifadhi halafu mnakuwa wa kwanza kulalamika’alisema
Hivi inakuwaje afisa mtendaji wa kijiji anakuwa afisa uhamiaji kutoa vibali kwa wahamiaji
haramu, kazi ya kumpa mtu aliyetoka  nchi
nyingine ni kazi ya Afisa uhamiaji.
Hata wale wahamiaji haramu ambao hawajakamilisha utaratibu wao tutawaondoa halikadhalika
wale Maafisa uhamiaji ambao hawatekelezi jukumu lao nao tutwashughulikia.
Kauli hiyo ya Rais Kikwete kwa siku ya jana ilitokana na baada yaMbunge wa Jimbo la Karagwe, Gozbert Blandes kumwomba Rais Kikwete anawaidie namna ya kuwaondoa wahahamiaji haramu ambao wamekuwa kero kubwa wananchi wa wilaya hiyo.

Rais Kikwete alisema uondoaji wa wahamiaji haramu utaenda sambamba na zoezi la kuwasaka wale wote wanaomiliki silaha ya kinyume na sheria ambazo mara nyingi hutumika kutekeleza vitendo vya uharifu katika mikoa ya Kagera, Geita na Kigoma
litakaloendeshwa na jeshi la polisi, la wananchi na idara ya usalama wa taifa baada yawiki mbili kuanzia jana Julai 26,2013.
Alisema kuwa hatakubaliana na maofisa wa serikali wasio waaminifu katika kutekeleza wajibu
wao, “nimeelezwa tabia ya baadhi ya viongozi ya kupokea rushwa ya ng’ombe na
fedha na baadae kutoa vibali kwa wageni  vya kuishi nchini,” sasa natangaza vita dhidi ya watendaji wa serikali wanaofanya kazi kinyume na maadili, nitawashughulikia kikamilifu, wenye tabia hiyo
nawashauri waache  mara moja” alisisitiza
Rais Kikwete alisema wahamiaji haramu hasa wanaoingia nchini na mifugo wanaleta madhara
makubwa kwa kuwa wanachangia uharibifu wa mazingira, alisema wanajihusha na
biashara ya uchomaji mkaa na ukataji wa miti kwa ajili ya kujenga makazi yao.
Alisema wale wanaojijua kuwa ni wahamiaji haramu waondoke, kwani Watanzania hawataki ugovi na jirani zao.

 

Serikali kupambana na wanaokwamisha miradi ya ujenzi wa barabara nchini

 Sehemu ya wanafunzi waliohudhuria katika hafla ya uwekeji jiwe la msingi katika ujenzi wa barabara ya Bugene Kyaka.

 Rais Kikwete akiweka jiwe la msingi.

Na Theonestina Juma,Karagwe

SERIKALI imesema haitawaruhu baadhi ya watu wachache kuzuia utekelazaji wa miradi mbali mbali kama za  kuunganisha kwa lami  mitandao ya barabara zake hapa nchini.

Rai hiyo imetolewa na Rais Jakaya Kikwete wakati akiweka jiwe la msingi katika ujenzi wa barabara ya Kyaka Bugene yenye urefu wa kilomita54.1.

"Serikali itatumia mamlaka yake kupambana na baadhi ya watu wanaokwamisha maendeleo ya wananchi"alisema.

Aidha Rais Kikwete alimwagiza Waziri wa Ujenzi, John Magufuli kuendelea na mipango yake ya ujenzi wa barabara kwa maendeleo ya wananchi.

Rais Kikwete alisema dhamira ya serikali kuweka mkazo wake katika ujenzi wa barabara ni kutaka njia kuu za mikoa kuunganishwa kwa lami.

Awali Wazira wa Ujenzi, Dkt.Magufuli alimwomba Rais Kikwete aweze kumruhusu kuwasimamisha kazi baadhi ya wasimamizi washauri wa makandarasi wa barabara ili wasifanye nchi ya Tanzania ni kama sehemu pa kuchotea hela.

"Mheshimiwa Rais, naomba kwa ruhusa yako tuzidi kuwafukuza na
kuwa simamisha kazi baadhi ya wasimamizi washauri wanaoshindwa
kuwasimamia kikamilifu makandarasi wa barabara na kufanya Tanzania
kama sehemu pa kuchota hela"alisema.

Alisema katika ujenzi wa barabara ya Kyaka Bugene wasimamizi Washauri ya Kampuni ya Sai kutoka India na kwa kushirikiana na Kampuni ya Data walifukuzwa kazi Januari mwaka huu tayari wakiwa wameshalipwa sh.bilioni 1.9.

Alisema kwa sasa ujenzi wa barabara hiyo inasimamiwa na Wasimamizi washauri zaidi ya saba wote kutoka makao makuu ya wakala wa barabara nchini.

Hata hivyo alisema katika ujenzi huo wa barabara watu zaidi ya 400 tayari wameshalipwa fidia zao isipokuwa watu wane wakiongozwa na mtu mmoja aliyemtaja kuwa Bw.Nehemia Kazimoto ambaye amekataa kupokea zaidi ya sh.milioni 100 kwa madai kuwa ni kiasi kidogo.

"Bwana Kazimoto,wewe ni Kazimoto, mimi ni 'moto kazi' nyumba
zako zitabomolewa, na kama hutaki kuchuku fidia yako uende mahakamani, tunaheshimu uhuru wa mahakama lakini tutaendelea na kazi yetu"alisema.

Awali Mtendaji Mkuu wa Wakala wa barabara Taifa, Mhandisi
Aaron Mfugale barabara ya Kyaka Bugene inajengwa na Kampuni ya Chicco kwa gharama ya sh.bilioni 64.61 ambapo muda wa utekelezaji wake ni miezi 27 na hatua ya ujenzi wake imefikia asilimia 38.

 Alisema upembuzi yakinifu ya ujenzi wa barabara hiyo ilianza ilianza Novemba 2009 kwa sh. Milioni 386.6 kwa miezi sita kwa kuzingatia vigezo mbalimbali.

Alisema jumla ya sh.bilioni 21 ameshalipwa mkandarasi na
zaidi ya sh.bilioni 2.888 zimelipwa watu kama fidia.

Rais Kikwete akiongoza viongozi mbali mbali kukata utepe sehemu ya mitambo inayotumika katika ujenzi wa barabara hiyo.