Wizi wa mifugo warejea Kagera?Ng'ombe 30 waibwa Ngara, 16 watelekezwa pori la Keza

Na Theonestina Juma, Ngara

NG’OMBE  30  wenye thamani ya zaidi ya milioni  22  wameibiwa na watu wasiojulikana huku wengine 16 wakipatikana wakiwa wametelekezwa  kati kati ya porini  la Keza Wilayani Ngara .

Kwa mujibu zilizopatikana Mjini Bukoba na kuthibitishwa na Kamanda wa polisi  Mkoa wa Kagera, Philip  Kalangi  tukio hilo lilitokea Agosti 5, mwaka huu saa  2: 00 usiku katika tarafa  ya Rulenge  Wilaya ya Ngara.

Kamanda Kalangi  alisema watu wasiojulikana walivamiwa nyumbani kwa mfugaji Simon Wakataraka (45) mkazi wa kijiji cha Murusagamba tarafa hiyo na kuwaiba ng’ombe  wapatao 46 ambapo kati yao  30  hawajapatikana hadi hivi sasa huku wengine 16 wakipatikana wakiwa wametelekezwa porini.

Alisema baada ya ng’ombe hao kuibiwa  walitoa taarifa ya wizi  polisi kwa kushirikiana na viongozi wa serikali za vijiji  waliweza kutoa  taarifa sehemu  mbalimbali kuhusu  wizi wa mifugo hiyo ambapo walianza ufuatiliaji na kufanikiwa kuwapata ng’ombe hao Agosti 9 mwaka huu katika pori la Keza wakiwa wametelekezwa.

Alisema juhudi zinaendelea  katika maeneo mbalimbali  za kuwatafuta  ng’ombe  wengine  na watu waliojihusisha na wizi huo wa mifugo.

Kwa upande wa Mwenyekiti wa kamati ya ulinzi na usalama  wa wilaya  ya Ngara  ambaye pia ni mkuu wa wilaya hiyo ,Bw.Costantine  Kanyasu  alipoulizwa ni namna gani walivyojipanga katika kukabiliana na wizi wa mifugo ambao umeanza kujitokeza katika wilaya hiyo yakiwemo matukio mengine ya uhalifu ambapo alidai kuwa tayari kamati yake imeshatoa maelekezo kwa Jeshi la polisi kufanya doria ya mara kwa mara.

Alisema doria zinazohitajika kufanyika ni kwa ajili ya kuimarisha mawasiliano na nchi  zinazo pakana  na Ngara  ambazo ni Rwanda  na Burundi  ili kushirikiana katika kudhibiti   wizi  na matukio  mengine  ya uhalifu.

Mwisho.