Mkuu wa mkoa Kagera, Kanali Fabian Massawe akizindua jengo la daraja la kwanza katika hospitali ya Mkoa Kagera lililogharamu zaidi ya sh. milioni 418.

Pichani ni Mkuu wa Mkoa Kagera Kanali Fabian Massawe akimtuza fedha msanii, wa mjini Bukoba ajulikaye kama Babu Rweyemamu mara baada ya kumaliza kuwaburudisha waliohudhuria katika unzinduzi huo, kushoto ni Mwenyekiti wa CCM Mkoa Kagera, Bi. Constansia Buhuye.

Na Theonestina Juma, Bukoba

HOSPITALI ya Mkoa Kagera imefanikiwa kujenga jengo la daraja la kwanza lililogharamu zaidi ya sh. milioni 418 kwa lengo la kuboresha huduma za matibabu mkoani hapa.

Hayo yamebainishwa leo na Mganga Mfawidi wa Hospitali ya Mkoa Kagera, Dkt. Andrew Lugakingira katika risala yake kwa mgeni rasmi ambaye alikuwa ni  Mkuu wa Mkoa Kagera, Kanali Fabian Massawe katika uzinduzi wa jengo hilo mjini hapa.

Dkt. Lugakingira alisema jengo hilo ambalo lilianza kujengwa katika mwaka wa fedha 2008/2009 kwa awamu mbili limeghramu jumla ya sh. milioni 418, 119,938 ambapo lilikamilika Februari mwaka jana na kukabidiwa rasmi Machi mwaka huo.

Alisema lengo la kujenga jengo hilo la daraja la kwanza ni kuwahudumia wagonjwa wa mkoa na Taifa lengo ni kuboresha huduma na  kuongeza mapato ya hospitali hiyo.

Alisema jengo hilo limegawanyika katika sehemu mbili ambazo alizitaja kuwa ni pamoja na sehemu ya kuwahudumia wagonjwa wa kulala na wan je.

Kwa majaribio ya kuanza kutoa huduma katika jengo hilo kwa mwezi mmoja wa Julai  mwaka huu jumla ya wagonjwa 132 waliweza kuhudumia ambapo wagonjwa 29 walilazwa na kati yao wanawake wakiwa ni 12 na wanaume 17.

Alisema kwa kipindi hicho waliweza kuingiza jumla ya sh. milioni 5,337,200 taslimu huku wengine nao wakichangia kupitia huduma ya bima ya afya.

Alisema kiasi hicho kitachangia bajeti ya hositali hiyo kwa silimia 2.1 kutoka asilimia 9.8 hadi asilimia 11.9.

Aidha kwa kuaingatia hali ya huduma ya daraja la kwanza ilikifikiwa ikiwa ni madhumuni ya kuongeza mapato ya hospitali kwa kutoa huduma kwa wenye uwezo wa kulipia huduma zaidi.

Halikadhalika alisema kuwepo kwa jengo hilo kutasaidia upatikanaji wa dawa na vifaa tiba , kuboresha huduma inayotolewa kwa wote pamoja na kuwahudumia wagonjwa wa bima ya afya  na taasisi zenye mikataba ya huduma za afya zinazohitajika.

Hata hivyo kwa upande wa Mkuu wa Mkoa Kagera ambaye alikuwa mgeni rasmi katika uzinduzi huo, alisema serikali kupitia wizara ya afya na Ustawi wa jamii inaendelea kuboresha utoaji wa huduma za afya katika ngazi zote za kutolea huduma.

Alisema lengo la serikali ni kuhakikisha kila Mtanzania anapata huduma bora za afya kwa wakati muafaka.

Mkoa  wa Kagera  kwa kutumia timu ya uendeshaji wa huduma za afya, ina jukumu la kuhakikisha kwamba lengo la serikali linafikiwa kwa kiwango cha juu.

Alisema majukumu wanazotakiwa kuzisimmaia huduma za afya zinazotolewa na sekta ya umma na sekta binafsi.

Aidha alisema jengo hilo lilijengwa si kwa ajili ya viongozi wa mkoa na taifa pekee bali hata wananchi wengine nao watapata huduma kwani huo ni mradi.

Alisema kutokana na jengo hilo kugharimu pesa nyingi za serikali  ambao ni uwekezaji mkubwa uliofanywa na serikali unatakiwa kulindwa na kuenziwa pamoja na samani zilizomo.

Alisema itakuwa haina maana endapo jengo hilo na samani zake za kisasa zilizomo vitaachwa bila matunzo na usimazi mzuri hivyo wanatakiwa wakitunze kidumu.