Chinja chinja ya polisi yaendelea Kagera, wawili wauawa tena na wananchi kwa kucharangwa mapanga

Na Theonestina Juma, Kagera
ZIKIWA zimepita siku takribani 21 tu Askari polisi kuuawa kikatili wilayani Ngara na wananchi, wengine wawili kutoka wilayani Ngara wameuawa tena kikatili  kwa kucharangwa mapanga na wanachi wilayani Karagwe wakiwadhania kuwa ni majambazi na kisha kuteketeza kwa moto gari waliokuwa nayo.
Tukio hilo la kusikitisha limetokea Januari 6, mwaka huu saa 2.30 katika kijiji Kasheshe kata ya Rugu upande wa wilaya ya Karagwe wakati walipofika kijijini hapo kwa kile kinachodaiwa kufuatilia mtu mmoja alikuwa na meno ya tembo.
Askari aliyeuawa wamejukana kuwa ni pamoja na Sanjeti Thomas Migiro mwenye namba E1446  mwenyeji wa mkoani Mara na Askari wa usalama barabarani Koplo  Damas Kisheke mwenye namba E 8889 mkazi wa  Kamachumu Muleba mkoani hapa wote watumishi wa jeshi hilo kituo  wilayani Ngara.
Katika tukio hilo  ambalo kulikuwepo na askari watatu mmoja aliyejulikana kwa jina la Braiston aliyekuwa na bunduki la jeshi hilo alikimbia na kuwaacha wenzake wakisulubishwa hadi kufa kwa kuogopa  wananchi kumpora silaha hiyo.
Habari zaidi zinasema kuwa katika tukio hilo gari la  askari Damas  aina ya IPSUM ilichomwa moto na wananchi hao , na hii ni ikiwa zimepita kama wiki mbili tu wananchi hao kuchoma moto gari la watu waliodaiwa kuwa ni majambazi.
Imeelezwa kuwa chanzo cha mauaji hayo ya kutisha, polisi hao walifika wilayani humo, kumtafuta mtu aliyekuwa na meno ya tembo ambapo walifanya kazi hiyo hadi saa 2.30 na kufanikiwa kumkamata akiwa na meno saba na kuanza kuondoka eneo la tukio.
Hata hivyo, kulingana na maelezo zaidi kutoka eneo la tukio zinadai kuwa polisi hao walikuwa na biashara yao binfasi na mmoja wa wananchi wa kijijini hapo, ambapo inasemekana kuwa walitaka kumdhulumu mwananchi huyo mali yake, na hivyo kuamua kuwapigia simu wananchi wa kijiji hicho kuwa kuna majambazi wako kijijini hapo na wanaondoka kuelekea Ngara.
Kutokana na wananchi hao kuchoshwa na vitendo vya ujambazi, polisi hao wakiwa safarini kurudi Ngara, walikuta mawe na magogo yakiwa yamepangwa barabarani huku wananchi wakiwataka  washuke kutoka katika gari lao walikataa na mmoja wao kufyatua risasi iliomjeruhi mwananchi mmoja.
Aliyejeruhiwa na risasi katika sehemu ya kiganja chake cha mkono ametajwa kuwa ni Jovinary Gabanu (35) mkazi wa kijijini hapo ambaye amelazwa katika hospitali teule ya wilaya ya Nyakahanga.
Hata hivyo, inaelezwa kuwa wakati wananchi wakipambana na polisi hao wawili, askari wenzao waliwahi  walifika  eneo la tukio, ambapo inasemekana kuwa walisikika mmoja wa askari hao akitamka maneno  kwa kusikitika ahh…afande ‘Damas umetuaibisha’ ambapo hapo ndipo ilichochea zaidi hasiara za wananchi na kuanza kuwapiga na kuwaua papo hapo.
Mwananchi mmoja wa kijiji hicho, aliyejitambulisha kwa jina la Bernedetha Salvatory (64) alisema  milio ya risasi zilianza kusikika kabla ya saa 2 usiku na kutokana na kuwa na woga kufuatana na kuvamiwa mara kwa mara na majambazi hakuweza kufika eneo la tukio hadi leo asubuhi.
Katika eneo hilo ambalo limefurika watu, huku kamati ya ulinzi na usalama wakihaha kila kona mwenyekiti wa kamati hiyo ambaye ni Mkuu wa wilaya hiyo Bi. Dary Rwegasira alifika eneo la tukio ili kujua ni kitu gani kilichotokea huku akiwataka wananchi kuacha kujichukulia sheria mkononi.
Hata hivyo, habari kutoka ndani ya Jeshi la polisi zinaeleza kuwa  kuwa wakati polisi hao wakitafuta mhalifu huyo kijijini hapo, hawakuweza kuripoti katika kituo cha polisi cha wilayani Karagwe ili kuweza kupewa polisi mwingine wa kuwaongozana nao  kutokana na wananchi wa kata hiyo kuwa na mahusianano mabaya na jeshi la polisi.
Chanzo cha polisi hao kuwa na mahusiano na Jeshi la polisi ni kutokana na siasa na kazi ambapo baadhi ya wanasiasa wamekuwa wakiwachochea wananchi kuwachukia polisi kuwa wanawanyanyasa ambapo wananchi wa kata hiyo inadaiwa kuwa  ndiyo chanzo cha aliyekuwa Mkuu wa upelelezi mkoani Kagera, Peter Matagi kuhamishwa.
“Unajua wananchi wa kata hii hawana mahusiano mazuri na askari polisi na chanzo ni  baadhi ya wanasiasa, hawataki kumwona polisi katika eneo hili hadi kufikia polisi hawa kuuawa kikatili kiasi hiki chanzo ni hicho”alisema mwananchi mmoja wa wilayani humo.
Hata hivyo, askari Braiton aliyekimbia alipatikana usiku huo saa 9,ambapo Kamanda wa polisi Mkoa Kagera Phillip Kalangi akizungumza na gazeti hili kwa njia ya simu ya kiganjani alikiri kutokea kwa tukio hilo na kusema kuwa alikuwa safarini kuelekea eneo la tukio kutokana na kuwa mbali.
Baadhi ya wananchi wa kijiji hicho wameone Alisema “kwa sasa sina taarifa kamili juu ya tukio hili, lakini niko njiani kuelekea eneo la tukio, tuwasiliane mchana ndipo nitakuwa na taarifa kamili”
Miili ya polisi hao yamehifadhiwa katika hospitali  teule ya wilaya ya Kagarwe ya Nyakahanga yakisubiri utaratibu wa kusafirishwa makwao.
sha kusikitishwa na jinsi polisi walivyowahi kuchukua miili ya askari wenzao na plate namba ya gari hilo pamoja na meno ya tembo na kuondoka nayo, wakati kwa raia wakiuawa hivyo, polisi huleta daktari kuwapima kwanza.
Hili ni tukio la pili kutokea mkoani kagera ndani ya siku 21 ambapo Desemba 15 mwaka jana katika kata ya Mugoma wilayani Ngara askari wawili waliuawa kikatili kwa kucharangwa mapanga baada ya kumuua raia wema kwa kutwanga risasi baada ya kutokea kutoelewana kati yao na raia huyo. 
Mganga mfawidhi wa hospitali teule ya Nyakahanga wilaya ya Karagwe Dr  Andrew  Cesari  amedhibitisha kupokea  miili ya marehemu hao  na alisema kuwa uchunguzi wa kitabibu umebainisha kuwa vifo vya marehemu hao vilitokana na kipigo kikali  kilichosababisha majeraha ya kuvuja damu nyingi na kupelekea mauti hayo.