Mauzo ya dhahabu yashuka

MAUZO ya Dhahabu nje ya nchi yemeshuka kwa kiasi cha asilimia 14.8 wakati mauzo ya almasi yakipaa maradufu kwa kipindi cha mwaka wa fedha uliopita wa 2012/2013.
Kushuka kwa mauzo hayo ya wachimbaji wakubwa na wadogo, kulisababishwa zaidi na kufungwa kwa migodi ya Tulawaka, Resolute, kushuka kwa kasi ya uzarishaji na uuzaji wa nje na kushuka kwa bei ya dhahabu katika soko la dunia.
Meneja wa Benki Kuu ya Tanzania (BOT), Tawi la Mwanza, Mussa Mziya, alisema katika kipindi hicho mauzo ya dhahabu kanda ya Ziwa kwa nje ya nchi yalipungua kwa kiasi hicho kufikia dola za Marekani milioni 1,901.2 (karibu sh. 2.5)  milioni kutoka dola 2,232.3 (zaidi ya sh. bilioni tatu) kwa mwaka 2011/2012.
Kiasi cha dhahabu kwa wachimbaji wakubwa, kilipungua kutoka kilo 39,544.8 mwaka 2011/2012 hadi kufikia kilo 37,796.3 kwa mwaka wa fedha uliopita wa 2012/2013 huku madini hayo yakianguka kwa asilimia 10.9 kutokana na kuimarika kwa dola.
Alisema katika kipindi cha mwaka wa fedha ulioisha Juni 2013, thamani ya madini toka kwa wachimbaji wadogo pia iliporomoka kwa asilimia 55.8 kufikia dola milioni 5.5 (zaidi y ash. Bilioni saba) milioni kutoka dola milioni 9.4 (zaidi ya sh. bilioni 1.7) zilizopatikana mwaka 2011/2012.
“Thamani ya dhahabu pekee kutoka wa wachimbaji wadogo kwa kipindi tajwa ilishuka hadi dola milioni 3.9 kutoka dola milioni 8.3 milioni mwaka 2011/2012 kutokana na kuanguka kwa bei ya dhahabu katika soko la dunia wakati thamni ya almasi kutoka kwa wachimbaji hao wadogo ikipaa,” alifafanua.
Alisema almasi ya wachimbaji hao ilipanda hadi dola milioni 1.8 kutoka dola milioni 1.2 kutokana na kuongezeka kwa uzalishaji wake.
Mauzo ya almasi nje ya nchi yaliongezeka mara dufu kufikia dola milioni 44.8 milioni katika mwaka 2012/2013 kutoka dola milioni 11.5  mwaka 2011/2012.
Kuongezeka kwa mauzo ya almasi kulichangiwa na uhuishaji mkubwa  katika mgodi wa almasi wa Williamson Diamond, ulioko Mwadui mkoani Shinyanga.

Serikali yakatakiwa kufuta nauli za vivuko maeneo ya vijijini

Na Theonestina Juma, Kagera

 WAKALA wa Ufundi na Umeme (TEMESA), Mkoa wa Kagera wametakiwa kufuta gharama za  vivuko kwa watembeao kwa mguu kutokana na hiyo ni huduma kwa jamii na sio biashara.

Ushauri huo umetolewa jana na Mbunge wa Viti  Maalum (CCM), Bi. Elizabeth Batenga wakati akizungumza katika kikao cha bodi ya barabara kilichofanyika mjini hapa.

Alisema”wanachi wanaovuka vivuko vilivyoko katika mkoa wa Kagera wanatakiwa kufutiwa tozo, kutokana na wanaovuka vivuko hivyo ni wale wasio kuwa na uwezo, wakati mnapanga kuongeza gharama mimi ninaona mfute, kwani hiyo ni huduma kwa wananchi”

 Hivi wale wanaotembea barabarani, wanatozwa na nani si wanatembea bia kutozwa chochote si ni huduma inayotolewa kwa wananchi sasa ni kwa nini wanaovuka vivuko wao watozwe fedha kwa ajili ya nini, hapa si kuwaonea ?alihoji

Bi. Batenga alisema wakati TEMESA wakiangalia kutaka kuongeza viwango vya nauli ya vivuko vyake, wafikirie kutafuta ni kwa namna gani wanavyoweza kuondoa tozo hizo kwa wananchi hasa ikizingatiwa kuwa vivuko hivyo viko maeneo ya vijijini ambako kuna wananchi wengi.

“Huko vijijini mwananchi kupata hata sh. 200 kwake ni shida, lakini cha kushangaza mwananchi anayevuka kwenda ng’ambo ya pili kwenda kulima anatozwa, hela kwa ajili ya kuvuka… si dhani kama ni haki… serikali itafute namna ya kuwafanya hawa wananchi”alisema

Alisema katika maeneo hayo ya vijijini, wananchi wanaoishi katika upande wa pili wanalazimika kulipia nauli kuvuka kwenda upande mwingine kwenda msibani hali inayowafanya kufikia hatua ya kushindwa kutembeleana kwa kukosa nauli.

Hata hivyo kwa upande wa Mkuu wa mkoa Kagera, Kanali Fabian Massawe akizungumzia suala hilo alisema TEMESA wanatakiwa kuangalia ni watu wa aina gani wa kuwatoza, kwa wale wasiokuwa na uwezo waachwe wavuke bure.

Aidha wanapaswa kuangalia kama ni vyombo vya moto to ndiyo vitozwe hela na wavuka kwa miguu waruhusiwe kuvuka bila malipo.

Kwa upande wa Mwenyekiti wa halmashauri ya wilaya ya Bukoba, Kapteni Dauda Kateme akizunguzia vivuko hivyo, alisema yeye anashindwa kuwaelewa TEMESA kwani wamekuwa wakitoza ushuru magari ya halmashauri hiyo, wakati kivuko  cha Kyanyabasa kiko katika halmashauri yake.

Alisema TEMESA ikiwa ni kama chombo kinachofanya biashara wao wakitakiwa kulipa ushuru wanakataa kwa madai kuwa wao wanatoa huduma na si biashara.

Awali Kaimu Meneja wa TEMESA mkoa Kagera, Bw. Wilson Nyitwa, alisema kuwa TEMESA inampango wa kupandisha nauli za vivuko vyake ambavyo ni Kyanyabasa na mto Ruvuvu kutokana na kupanda kwa gharama za maisha.

Alisema wao biashara bali ni huduma, ambapo kwa siku katika kivuko cha Kyanyabasa hupata kiasi cha sh. 40,000 ilihali kivuko  cha Kyanyabasa hupata sh.70,000 kwa siku.

Alisema kwa kiasi wanachotoza kwa sasa hakisaidii kitu chochote, wakati hata mishahara imepanda kwa watumishi hivyo inafikia hatua wanashindwa kujiendesha hasa ikizingatiwa kuwa wao hawapati ruzuku kutoka serikalini.

Hata hivyo, kwa upande wa Mkuu wa wilaya ya Bukoba, Bi. Zipora  Pangani alisema kulingana na uzoefu wake katika kivuko cha mto Pangani, wananchi kuruhusiwa kuvuka bure kitawafilisi kabisa TEMESA  kwani kiasi hicho kidogo wanachopata ndicho kinawasaidia katika kujiendesha.

Alishauri mpango huo wa kutaka wananchi wavuke bure isubiriwe hadi uchaguzi Mkuu 2015 upite bila hiyo itasu

Kagasheki- Mtu asiyeraia ni kitanzi akipewa madaraka makubwa ya uongozi

Na Theonestina Juma, Bukoba

ALIYEKUWA Waziri wa Maliasili na Utalii, Balozi Khamis Kagasheki amesema kwa sasa ameanza kuongopa kwa mtu ambaye si raia wa nchi akaomba uraia akapewa na madaraka makubwa ni kitanzi.

 Balozi Kagasheki ambaye ni Mbunge wa jimbo la Bukoba mjini alisema hayo mwishoni mwa wiki hii wakati akiwahutubia mamia ya wakazi wa mjini Bukoba.

Alisema katika nchi ya Marekani imo ndani ya sheria ukiomba uraia wa Marekani Katiba yao iko sawa sawa yako maeneo wanakuambia umepewa uraia wala si wa kuzaliwa pale yapo maeneo huwezi ukagusa wala hata usiombe.

“Hapa naweza kusema kuna mtu … huwezi kwenda katika nchi za watu wakakupa uraia … tena uraia wakupewa..wa kuomba .. .matokeo yake wewe unaanza sasa kuwahujumu, kuwaibia, kuwakejeli,kuwakiburi na kujaa jeuri  haiwezekani kama umepewa uraia unapaswa kufanya kazi na wale raia wa kuzaliwa  wa nchi hiyo nenda kwa utaratibu wa nchi hiyo”alisema 

Alisema yote yanafanyika kwa nia nzuri lakini mtu akipewa uraiwa anapaswa kufanya kazi vyema na waliozaliwa pale na si kufanya unavyotaka.

“Nenda kamulize hata leo kuhusu uraia wake umekaaje …. atakuwambia kuwa Waziri wa mambo ya ndani alitia mkono wake pale ndiyo maana nikapewa, umeshapewa sasa fanya vizuri …yote haya nayasema kwa nia nzuri sio kwa ubaya”alisema

Na kuhoji kuwa … “Wazungu wanasema, After role …if we can not speak for her…. yaani  baada ya yote hayo kama hawataisemea bchi yao ni nani atakaye isemea? Hayupo!

Alisema kutokana na hali hiyo, kwa sasa katika harakati zao za kuanza kujenga mji wa Bukoba kwa wale ambao wana nia ya kuvuruga wawapishe wakae pembeni .

“Mnajua kuna watu wengine wako humu mjini wana maneno sikuweza kuwataja majina yao … kwa sababu hata nikiwataja nitakuwa nimejiteremsha kwao… ndiyo sababu sitaki kuwataja “alisema.

Alisema kwa sasa wataanza kuaza kukaa vikao mbali mbali kwa nguvu zote ili kujenga kwa pamoja mji wao kwani Bukoba itajengwa na wana Bukoba wenyewe na kwamba katika vita iliokuwemo ndani ya Manipaa hiyo, aliyeishinda ni WanaBukoba na wala si Mbunge na  baadhi ya Madiwani.

Alisema upotevu wa sh. bilioni 2.5 zilizopotea ambazo zingewezesha kuleta mabadiliko makubwa ndani ya Manipaa hiyo hakuna anayeiona zaidi ya kuona ‘kamunobele’.

Alisema pamoja na  kuwepo kundi la watu wanaosema kuwa wapo watu wanaosema kuwa Kagasheki ni mwiba anayewachuma yeye yuko na atakuna nao katika uchaguzi Mkuu unaoratajia kufanyika mwakani.

“Mimi hapa bado nilikuwa najifikiria, itakuwaje mwakani… kuna watu nasikia kuwa wanamwandaa mtu I mwingine aje awe Mbunge wa Jimbo hili, kwa kuwa wapo watu wanaojifanya wanajua siasa nawambieni fanyeni mtakavyofanya mtanikuta uwanjani”alisema”

Alisema waliosema kuwa Madiwani wa CCM wameungana na upizani kumwondoa meya hayo ni maneno ya kahawa, kwani walikuwa wakitetea haki ya wana Bukoba na hatua iliofikia ya kuwafukuza  madiwani wanane, hakuna chama chochote kinachoweza kufanya hivyo, kwani kuwafukuza wajue kuwa CCM kwa heri.

“Hata ngazi ya CCM haifanyi hivyo,  kuna vitu vya kuangalia… kwa watu wenye akili hawawezi kufanya  kama nyie mlivyoamua”alisema

Matamshi hayo ya Mbunge Kagasheki yanakuja siku chache baada ya Mdhibiti na Mkaguzi wa mahesabu ya serikali (CAG ), Bw. Ludovick Utouh kutoa taarifa ya uchunguzi maalum uliokuwa ukifanywa ndani ya Manispaa hiyo kufuatia ombi  la Waziri Mkuu  Mizengo Pinda kutokana na mvutano uliodumu kwa miaka miwili kati ya Mstahiki, Meya Dkt. Anatory Amani, Mbunge na baadhi ya Madiwani kupinga uendeshaji wa Manispaa hiyo katika utekelezaji wa miradi.

Katika ripoti ya CAG ulibaini kuwepo kwa ufisadi mkubwa uliofanywa katika Manispaa hiyo wakati wa utekelezaji wa miradi mbali mbali kama viwanja 5,000 ujenzi wa soko la kisasa, kituo cha kitega uchumi, kituo cha mabasi, kituo cha kuoshea magari.

Pia si mara ya kwanza Mbunge Kagasheki kusema kuwa ndiye alimpa urai Dkt. Amani ambaye inadaiwa kuwa ni raia wa nchini Uganda ambapo pia amekuwa akieleza kuwa yeye ndiye aliyemchonga hadi akafikia hatua ya kuwa Meya wa Manispaa hiyo, hali iliomfanya kukorofishana na aliyewahi kuwa Meya wa Manispaa hiyo, Bw. Samuel Luangisa, ambapo Balozi Kagasheki amekuwa akikiri wazi kumkosea Bw. Luangisa.

mwisho

Uuuuwiiiiii tembo wetu wanaisha Maliasili yatoa matokeo ya sensa yao

Wizara ya Maliasili na Utalii inapenda kuujulisha umma matokeo ya sensa ya tembo iliyofanyika mwezi Oktoba na Novemba mwaka huu ili kuiwezesha Serikali kutambua hali ya rasilimali ya wanyamapori ndani na nje ya maeneo yaliyohifadhiwa.

Wizara kwa kushirikiana na wataalamu wa ndani na nje ya nchi imefanya sensa katika Maeneo ya Mfumo ikolojia wa Selous – Mikumi na Ruaha – Rungwa pekee kwa kuwa ni maeneo yenye tembo wengi nchini. 

Matokeo ya sensa hii yanaonyesha kwamba Mfumo wa ikolojia wa Selous-Mikumi kwa sasa una tembo wapatao 13,084 na Ruaha–Rungwa una tembo wapatao 20,090. Takwimu hizi zinaonesha kupungua kwa idadi ya tembo na hasa katika mfumo ikolojia wa Selous-Mikumi ikilinganishwa na Sensa za awali.

Takwimu za muda mrefu zinaonesha kwamba mwaka 1976 katika mfumo ikolojia wa Selous–Mikumi kulikuwa na tembo 109,419. Idadi hii ilipungua kufikia 22,208 mwaka 1991 kutokana na wimbi la ujangili uliokuwepo katika kipindi cha mwaka 1984 -1989. Hata hivyo, idadi hiyo iliongezeka na kufikia 70,406 mwaka 2006 baada ya Operesheni Uhai iliyofanyika mwaka 1989 na 1990 na juhudi za kimataifa za uhifadhi ikiwemo kusitisha biashara ya meno ya tembo.

Aidha, idadi ya tembo nchini ilipungua hadi kufikia jumla ya tembo 38,975 mwaka 2009 na kuendelea kupungua hadi kufikia tembo 13,084 hivi sasa.

Hali kama hiyo inaonekana pia katika mfumo wa ikolojia wa Ruaha-Rungwa ambapo sensa ya mwaka 1990 ilionesha kuwa na tembo 11,712 kutokana na wimbi la ujangili. Idadi hii iliongezeka na kufikia 35,461 mwaka 2006. Hata hivyo, idadi hiyo imepungua na kubakia tembo 20,090 hivi sasa.

Kwa matokeo haya inaonesha kuwa katika mfumo ikolojia wa Selous-Mikumi idadi ya tembo imepungua kwa asilimia 66 ikilinganishwa na idadi ya mwaka 2009 ambapo kulikuwa na jumla ya tembo 38,975. na katika Mfumo ikolojia wa Ruaha–Rungwa Tembo wamepungua kwa asilimia 36.5 ikilinganishwa na idadi ya mwaka 2009 ambapo kulikuwa na jumla ya tembo wapatao 31,625.

Kupungua huku kunathibitishwa na idadi ya mizoga ya tembo iliyohesabiwa wakati wa zoezi la sensa. Jumla ya mizoga 6,516 na 3,496 ilihesabiwa katika mifumo ikolojia ya Selous-Mikumi na Ruaha–Rungwa. Katika zoezi hili Wizara ilitumia vigezo vya uwiano wa mizoga na tembo hai waliohesabiwa (carcass ratio) kubaini vyanzo vya vifo hivyo. Katika hali ya kawaida, uwiano wa asilimia 7 – 8 unaashiria vifo vya asili kama vile ugonjwa na uzee. Zaidi ya asilimia hiyo inaashiria vifo visivyo vya asili.

Sensa iliyofanyika mwaka huu imeonesha uwiano wa asilimia 30 kwa mfumo ikolojia wa Selous-Mikumi na asilimia 14.6 kwa Ruaha–Rungwa. Kwa mujibu wa matokeo hayo, idadi kubwa ya vifo vya tembo vimetokana na vifo visivyo vya asili.

Uchambuzi wa kina umebainisha kuwa asilimia 95 na 85 ya mizoga iliyoonekana katika mifumo ikolojia ya Selous-Mikumi na Ruaha–Rungwa ni ya zaidi ya miezi 18 iliyopita.

Hii inaonesha kuwa juhudi za makusudi zilizofanywa na serikali ikiwa ni pamoja na kuimarisha doria na operesheni maalum mbalimbali za hivi karibuni zimesaidia kupunguza wimbi la ujangili kwa kiasi kikubwa.

Aidha, kukamatwa kwa meno ya tembo yenye uzito wa kilogramu 32,987 ndani na nje ya nchi katika kipindi cha 2008 hadi Septemba 2013 ni ishara tosha kuwa ujangili ni mojawapo ya sababu kubwa za kupungua kwa idadi ya tembo nchini.

Sababu nyingine ni kuongezeka kwa mifugo katika maeneo yaliyohifadhiwa na shoroba za wanyamapori. Mathalan, katika Pori Tengefu la Kilombero ambalo ni sehemu ya ikolojia ya Selous – Mikumi, mwaka 2002 lilikuwa na tembo 2,080, katika sensa ya mwaka huu, hukukuwa na tembo hata mmoja. 

Ongezeko la bei katika masoko ya biashara haramu ya meno ya tembo hususan katika nchi za Mashariki ya mbali ni kichocheo na kisababishi kikubwa.

Kufuatia hali hii, Wizara inaimarisha ulinzi wa wanyamapori kwa kushirikiana na vyombo vya ulinzi na usalama na taasisi nyingine za kanda na kimataifa pamoja na kuelimisha na kushirikisha wananchi katika masuala mbalimbali ya uhifadhi.

Ili kuimarisha na kuboresha shughuli za uhifadhi, Wizara iko katika hatua za mwisho za kuanzisha mamlaka mpya ya wanyamapori. Vilevile sheria za uhifadhi zinapitiwa ili kuruhusu kuanzishwa kwa mfumo wa kijeshi kwa watumishi wa sekta ya wanyamapori.

Wizara inapenda kuwatambua na kuwashukuru wafadhili wote waliofanikisha sensa hii iliyogharimu kiasi cha dola za kimarekani 160,000ikiwa ni fedha za serikali na wafadhili. Wafadhili hao ni Shirika la Misaada ya Kiufundi la Ujerumani (GIZ) kupitia Frankfurt Zoological Society (FZS) na Shirika la Umoja wa Mataifa la Maendeleo (UNDP) kupitia Mradi wa TANAPA wa SPANEST.

Imetolewa na

Naibu Waziri wa Maliasili na Utalii

Mhe. Lazaro Nyalandu (MB)

10/01/2014

Rais Jakaya Kikwete akutana na Mabalozi na Wawakilishi wa Taasisi za Kimataifa Ikulu

Rais Jakaya Mrisho Kikwete akihutubia Mabalozi na wawakilishi wa taasisi za kimataifa wakati wa Sherehe ya Kuukaribisha Mwaka Mpya(Sherry Party) aliyowaandalia Ikulu jijini Dar es salaam leo January 10, 2014

Rais Jakaya Mrisho Kikwete akihutubia Mabalozi na wawakilishi wa taasisi za kimataifa wakati wa Sherehe ya Kuukaribisha Mwaka Mpya(Sherry Party) aliyowaandalia Ikulu jijini Dar es salaam leo January 10, 2014

Rais Jakaya Mrisho Kikwete na viongozi wengine akisikiliza hotuba toka kwa Balozi wa DRC nchini Mhe Asumani Mpango ambaye pia ndiye Kiongozi wa Mabalozi nchini akihutubia wakati wa Sherehe ya Kuukaribisha Mwaka Mpya(Sherry Party)  Ikulu jijini Dar es salaam leo January 10, 2014 Rais Jakaya Mrisho Kikwete akizungumza na mabalozi  na wawakilishi wa taasisi za kimataifa wanawake wakati wa Sherehe ya Kuukaribisha Mwaka Mpya(Sherry Party) aliyowaandalia Ikulu jijini Dar es salaam leo January 10, 2014

Rais Kikwete amwapisha IGP mpya, ni Afande Mangu

 Rais Jakaya Mrisho Kikwete akimwapisha Inspekta Generali wa Polisi (IGP) mpya Afande Ernest Mangu katika viwanja vya Ikulu jijini Dar es salaam jioni hii

  Rais Jakaya Mrisho Kikwete akimpatia nyenzo za kazi baada ya kumuapisha Naibu  Inspekta Generali wa Polisi (IGP) mpya Afande Abdulrahman Kaniki katika viwanja vya Ikulu jijini Dar es salaam jioni hii

  Rais Jakaya Mrisho Kikwete, Makamu wa Rais Dkt Mohamed Ghalib Bilali na Katibu Kiongozi Balozi Ombeni Sefue katika picha ya pamoja na Inspekta Generali wa Polisi (IGP) mpya Afande Ernest Mangu na naibu wake Naibu IGP Afande Abdulrahman Kanini katika viwanja vya Ikulu jijini Dar es salaam jioni hii

 Rais Jakaya Mrisho Kikwete, Makamu wa Rais Dkt Mohamed Ghalib Bilali Mawaziri na Katibu Kiongozi Balozi Ombeni Sefue katika picha ya pamoja na Inspekta Generali wa Polisi (IGP) mpya Afande Ernest Mangu na naibu wake Naibu IGP Afande Abdulrahman Kanini katika viwanja vya Ikulu jijini Dar es salaam jioni hii

  Rais Jakaya Mrisho Kikwete akiwa katika picha ya pamoja na IGP mpya Afande Ernest Mangu,  Naibu  Inspekta Generali wa Polisi (IGP) mpya Afande Abdulrahman Kaniki pamoja na IGP mstaafu Afande Saidi Mwema katika viwanja vya Ikulu jijini Dar es salaam jioni hii

 Rais Jakaya Mrisho Kikwete akiwa katika picha ya pamoja na IGP mpya Afande Ernest Mangu,  Naibu  Inspekta Generali wa Polisi (IGP) mpya Afande Abdulrahman Kaniki katika viwanja vya Ikulu jijini Dar es salaam jioni hii. PICHA NA IKULU

IDARA YA HABARI MAELEZO

Rais Dk. Jakaya Kikwete amemwapisha Mkuu mpya wa Jeshi la Polisi nchini Inspekta Generali wa Polisi Ernest Jumbe Mangu na Naibu wake Kamishna  Abdulrahan Omar Juma Kaniki katika viwanja vya Ikulu, Dar es Salaam jana jioni.

Katika hafla fupi hiyo iliyoshuhudiwa na Makamu wa Rais, Dk Mohamed Ghalib Bilal, mawaziri kadhaa, viongozi wa Serikali na baadhi ya makamanda wa jeshi la polisi kiongozi huyo baada ya kiapo cha  kulitumikia jeshi hilo na Katiba ya Jamhuri ya Muungano Tanzania, amewaambia waadishi wa habari kuwa kazi yake kubwa itakuwa ni kupambana na uhalifu na kufuatailia migogoro miongoni mw a jamii na makundi mbalimbali, pia ameahidi kuendelea kushirikiana na serikali katika kuboresha mifumo ndani ya jeshi lake. 

Kwa upande wa naibu wake, Bw. Kaniki amesema mbali na majukumu yake ya kumsaidia Mkuu wake wa kazi ataongeza juhudi za ufuatiliaji katika ngazi ya tarafa na vijiji ili kujenga uwezo wa ulinzi shirikishi na kusisistiza kuwa jamii ina fursa kubwa katika kufanikisha suala la ulinzi katika maeneo wanayoishi.

Naye aliyekuwa Inspekta Jenerali wa Polisi , Said Mwema ameishukuru jamii kwa ujumla kwa ushirikiano mkubwa ambao amekuwa akiupata, kadhalika kumtakia mwenzake aliyempokea kazi ya mafanikio na amesihi jamii iendelee kumpa ushirikiano.

Kuhusu maendeleo ya jeshi hilo Bw. Mwema amesema pamekuwepo na kasi ya uimarishaji wa vitendea kazi katika kipindi kifupi, uimarishaji wa miundombinu ndani ya jeshi hilo na amesema kuna kazi mbili za utafiti wa kisayansi kuhusu mwenendo wa utendaji zilizo katika hatua ya mwisho kukamilishwa zitakazobaini ufanisi na changamoto za jeshi la polisi na kutoa mapendekezo ya kuboresha upande wa jeshi la polisi kadhalika kubaini kiwango cha mahusiano ya jeshi hilo na umma.

Salaam za Rais Kikwete mwaka mpya 2014

SALAMU ZA MWAKA MPYA ZA RAIS WA JAMHURI YA MUUNGANO WA TANZANIA MHESHIMIWA DKT. JAKAYA MRISHO KIKWETE KWA WATANZANIA,
TAREHE 31 DESEMBA, 2013

UtanguliziNdugu zangu;
Watanzania Wenzangu;
Niruhusuni nianze kwa kumshukuru Mwenyezi Mungu, mwingi wa rehema, kwa kutujalia uzima mpaka kufika na kuiona siku hii ya leo ya kuuaga mwaka 2013 na kuukaribisha mwaka 2014. Wapo ndugu, jamaa na marafiki zetu wengi ambao hawakupata bahati tuliyoipata sisi kwa vile wametangulia mbele ya haki. Tuendelee kumwomba Mola wetu awape mapumziko mema na azilaze roho zao mahali pema peponi. Ameen.

Hali ya Usalama
Ndugu Wananchi; 
Tunaumaliza mwaka 2013 nchi yetu ikiwa salama na tulivu. Mipaka iko salama na ile hali ya wasiwasi tuliyokuwa nayo kwa nyakati fulani mwaka huu sasa haipo tena. Uhusiano wetu na majirani ni mzuri na tutaendelea kufanya kila tuwezalo kuhakikisha kuwa hali inaendelea kuwa hivyo au hata kuwa bora zaidi mwaka 2014 na daima dumu.

Hali ya usalama wa ndani ya nchi nayo ni nzuri. Hali ya wasiwasi tuliyokuwa nayo mwaka wa jana na mwanzoni mwa mwaka huu kuhusu uhusiano baina ya Wakristo na Waislamu haipo. Ni matumaini yangu kuwa haitajirudia tena. Pepo mbaya amepita tuombe atokomee kabisa.

Ndugu zangu;
Watanzania wenzangu;
Napenda kurudia kuwasihi kuwa tuchague kuendelea kuishi pamoja kwa upendo, umoja, kuvumiliana na kushirikiana. Tuepuke kugeuza tofauti zetu za kisiasa, kidini, rangi, kabila au maeneo tutokayo kuwa chanzo cha uadui na mifarakano. Kwa sasa tuna mwelekeo mzuri nawaomba tuudumishe. “Mjenga nchi ni mwananchi na mbomoa nchi ni mwananchi”. Tuchague kuijenga nchi yetu badala ya kuibomoa. Tusiwasikilize watu hasidi wanaochochea uadui na mifarakano miongoni mwetu. Watatuvurugia nchi yetu nzuri.

Uhalifu
Ndugu Wananchi;
Katika mwaka 2013 vyombo vya dola vikishirikiana na wananchi viliendelea kupambana na vitendo vya uhalifu. Mafanikio ya kutia moyo yameendelea kupatikana ingawaje bado kuna kazi kubwa ya kuendelea kufanya mwaka 2014 na miaka ijayo.

Dawa za Kulevya
Ndugu Wananchi;
Kati ya Januari na Desemba 2013, kilo 1,261 za heroin, kilo 3 za cocaine na kilo 89,293 za bangi zimekamatwa na watuhumiwa 1,631wametiwa mbaroni. Tatizo la biashara na matumizi ya dawa za kulevya ni kubwa na mapambano yanazidi kuwa makali. Mafanikio yanaendelea kupatikana ingawaje bado tuna kazi kubwa na ngumu ya kufanya mbele yetu. Ni makusudio yetu kuongeza maradufu nguvu ya kupambana dhidi ya uhalifu huu.

Tupo hatua nzuri katika matayarisho ya kuanzisha Kikosi Maalum cha Kupambana na Dawa za Kulevya katika mwaka wa fedha 2014/15. Pia tutaitazama upya sheria ya adhabu kwa makosa ya kufanya biashara ya dawa za kulevya ili kuifanya iwe na meno makali zaidi. Vilevile, tutaongeza uwekezaji katika vituo vya tiba na kuwarekebisha watu wanaotumia dawa za kulevya. Mafanikio yanayopatikana Muhimbili na Mwananyamala yanatupa moyo wa kufanya zaidi.

Ujambazi
Ndugu wananchi;
Jeshi la Polisi limeendelea kupambana na ujambazi wa kutumia silaha na mafanikio yameendelea kupatikana. Matukio ya ujambazi yemepungua mwaka 2013 ukilinganisha na mwaka 2012. Takwimu zifuatazo zinathibitisha ukweli huo. Mwaka 2012 matukio ya ujambazi yaliyoripotiwa yalikuwa 6,872 na kwa mwaka 2013 yameripotiwa matukio 6,409. Mwezi Julai mwaka huu, niliamua kulihusisha Jeshi la Ulinzi la Wananchi wa Tanzania katika kupambana na ujambazi wa kutumia silaha na utekaji wa magari katika Mikoa ya Geita, Kagera na Kigoma. Katika Mikoa hiyo tatizo la ujambazi lilikuwa limefikia kiasi cha kulazimisha watu kusindikizwa na Polisi kutoka Ngara kwenda Karagwe, Biharamulo kwenda Muleba na kutoka Nyakanazi hadi Kakonko. Hali hii haikubaliki na hatuwezi kuiacha iendelee.

Ndugu Wananchi;
Uamuzi wangu huo ndiyo ulioanzisha Operesheni Kimbunga ambayo imekuwa na mafanikio ya kutia moyo. Hali ya usalama katika Mikoa hiyo inaelekea kuimarika ingawaje ni mapema mno kusema tatizo limedhibitiwa. Silaha nyepesi na nzito zipatazo 650 zikiwemo za kijeshi na za kiraia pamoja na mabomu ya kutupwa kwa mkono 11 zilikamatwa kwenye operesheni hiyo. Aidha, watu 31,203waliokuwa wanaishi nchini kinyume cha sheria walirudi makwao. Kati yao, watu 21,758 walirudi kwa hiari na 9,445 walirudishwa wakati wa Operesheni. 

Endelea Kusoma »