Kutana na kijana mwanamke Oliver Semuguruka aliyewangusha wanawake wakongwe Ubunge Viti Maalum Kagera , Bernadeta Mushashu usipime

Na Theonestina Juma, Bukoba

Mbunge wa Viti Maalum Mkoani Kagera, Bi. Bernadeta Mushashu amefanikiwa kutetea nafasi yake huku, Bi. Elizabeth Batenga aliyedumu katika nafasi hiyo takribani miaka 20 akishindwa na kijana wa miaka 30.

Bi. Mushashu alifanikiwa kutetea nafasi hiyo iliyokuwa ikiwaniwa na wagombea 10 katika uchaguzi wa  Wabunge wa Viti Maalum uliofanyika mjini Bukoba ambapo masimamizi Mkuu alikuwa ni Mkuu wa Mkoa Kagera, Bw.John Mongela.

Katika uchaguzi huo, Bi. Bernadeta alipata jumla ya kura 432 kati ya kura halali 626 zilizopigwa huku kura 11 zikiwa zimeharibika ambapo jumla ya kura zote zilizopigwa zilikuwa ni 637.

Katika uchaguzi huo uliokuwa na mchuano mkali, nafasi ya pili ilichukuliwa na Bi. Oliver Semuguruka (30) ambaye alikuwa na mri mdogo kuliko wagombea wote aliibuka na  kura (314) akifuatiwa na Bi. Betenga aliyepata kura (255), ambapo wote wanatoka Wilayani Ngara.

Wengine ni Bi. Janath Kayanda ambaye ni Katibu wa CCM Mkoa Tabora alipata kura (133), akifuatiwa na Uwageni Baragarwa (49) huku Mbunge wa zamani wa Jimbo la Muleba Kaskazini, Bi. Ruth Msafiri akiambulia kura (20).

Wengine ni pamoja na Bi. Elizabeth Ngaiza (9),Bi. Levina Jovin,Bi. Grace Mahumbuka na Bi. Domina Balyagati kila mmoja akiambulia kura (7)

Nafasi ya wawakilishi kupitia vyuo vikuu ilikuwa ikiwaniwa na watu wawili ambapo Bi. Goldliver Kaijage aliimbuka mshindi  kura ( 487)  dhidi ya Martha Bishanga aliyeambulia kura (113) jumla ya kura zote zilikuwa (517) halali zilikuwa (514) na (4) ziliharibika.

Aidha nafasi ya wawakilishi kupitia asasi za kiraia pia iliwaniwa na watu wawili ambapo Bi. Grace Mahumbuka alipata jumla ya kura (260) akimshinda Bi. Agnes Mkuta aliyepata kura (253).

Hata hivyo Msimamizi wa uchaguzi huo, Bw.Mongela alisema hao wagombea waliofaulu katika hatua hiyo ya awali wanapaswa kuongeza nguvu kuhakikisha kuwa CCM inapata ushindi mkubwa ili kuwawezesha kupata nafasi ya uwakishi Bungeni.

Halikadhalika kwa upande wa wawakilishi kupitia vyuo vikuu na asasi za kiraia wanao wanatarajiwa  kuchukuana na wengine katika ngazi ya taifa.

Akizungumza katika mkutano huo baada ya kutangazwa washindi Mbunge mkongwe wa Viti Maalum Mkoani hapa, Bi. Batenga aliwaaga wajumbe wa mktano huo na kuwashukuru kwa kumwamini na kumwezesha kukaa bungeni kwa pindi hicho chote.

Mwisho.