Ripoti ya ESCROW yatikisa nchi, inasikitisha!!

Mwenyekiti wa kamati ya kudumu ya Bunge ya Hesabu za Serikali,Mhe Zitto Kabwe akiongozana na Mbunge wa Jimbo la Tabora Mjini,Mhe. Ismail Aden Rage wakati akiwasili bungeni kuwasilisha Ripoti ya Mkaguzi wa Hesabu za Serikali (GAG) kuhusu akauti ya ESCROW.

Spika wa Bunge la Jamhuri ya Muungano wa Tanzania,Mhe. Anne Makinda akifafanua jambo wakati akiendesha Bunge hilo leo mjini Dodoma.

Mwenyekiti wa kamati ya kudumu ya Bunge ya Hesabu za Serikali,Mhe Zitto Kabwe akienda kusoma Ripoti ya GAG kuhusu akauti ya ESCROW.

Mwenyekiti wa kamati ya kudumu ya Bunge ya Hesabu za Serikali Mhe Zitto Kabwe akisoma Ripoti ya Mkaguzi wa Hesabu za Serikali (GAG) kuhusu akauti ya ESCROW Bungeni Mjini Dodoma leo.

Waheshimiwa Wabunge wakimsikiliza Mhe. Zitto Kabwe (hayupo pichani) wakati akisoma ripoti ya CAG.

Baadhi ya wahudumu wa Bunge wakigawa Ripoti ya GAG kuhusu akauti ya ESCROW kwa Wabunge

Waheshimiwa Wabunge wakipitia ripoti ya GAG kwa makini wakati ikisomwa na Mwenyekiti wa Kamati ya Kudumu ya Bunge ya Hesabu za Serikali, Mhe Zitto Kabwe.

Baadhi ya waandishi wanaoripoti habari za Bunge wakifuatilia mjadala kwa makini.

Naibu katibu wa Bunge, John Joel akijadiliana jambo na Mhe. Spika Anna Makinda.

Wabunge wakiwa wamesimama kuashiria kuunga mkono taarifa iliyosomwa Bungeni leo na Mhe. Zitto Kabwe.

Mhe Said Arfi akimpongeza Mhe.Zitto Kabwe ,mara Baada ya kumaliza kusoma ripoti ya GAG.

Makamu Mwenyekiti wa Kamati ya Kudumu ya Bunge ya Hesabu za Serikali,Mhe DEO Filikunjombe akiwasilisha maazimio ya kamati yake.

Spika wa Bunge la Jamhuri ya Muungano wa Tanzania,Mhe. Anne Makinda akitoka ndani ya Ukumbi wa Bunge mara baada ya kuahirisha Bunge mpaka kesho ambapo Serikali inatarajiwa kutoa majibu.

Naibu Waziri wa Nishati na Madini,Mhe. Stephen Masele akizungumza na waandishi wa habari mara baada ya Bunge kuahirishwa. Picha zote na Deusdedit Moshi wa Globu ya Jamii kanda ya kat

Mapinduzi KCU 1990, Wajumbe wa bodi wa zamani wote watupwa wachaguliwa sura mpya

Pichani ni wajumbe saba waliochaguliwa leo katika Uchaguzi Mkuu maalum uliofanyika mjini  Bukoba, ambapo mwenyekiti mpya ni Bw. Frank Muganyizi mwenye masters ya Uchumi.

Majonzi Bukoba, Mfanyabiashara Maarufu afia ndani ya gari akifanya mapenzina msichana

Na Theonestina Juma,Bukoba

 MFANYABIASHARA  maarufu  mjini  Bukoba Mkoani Kagera, Bw.Leonard Mtensa (50) amefariki  dunia ghafla  wakati  akifanya mapenzi na mwanamke mmoja  ndani ya  gari  lake.

Kwa mujibu wa taarifa zilizopatikana mjini hapa na kusambaa kila kona ya mji wa  Bukoba nakuthibitishwa na  Kamanda wa polisi Mkoa Kagera Henry Mwaibambe ,tukio hilo la aina yake limetokea Novemba 18,mwaka huu saa 4.00 usiku katika maeneo ya Buyekera mjini Bukoba

Kamanda  Mwaibambe,alisema mfanyabiashara huyo ni  mmiliki wa klabu  maarufu  ya   usiku  Bukoba   iitwayo  Linas night club.

Alisema kabla ya   kufikwa  na  umauti  mfanyabiashara huyo  alikuwa akifanya mapenzi ndani ya gari  lake  lenye namba za usajili T.982 CQG  aina  ya IST.

Alimtaja msichana aliyekuwa akifanya mapenzi na mfanyabiashara huyo kuwa ni Bi. Jackline  Hassan (25 )  mkazi wa Buyekera.

Alisema  wakati  wapenzi  hao  wakiendelea  na mapenzi  ghafla   hali   ya mfanyabiashara  huyo   ilibadilika  na kukimbizwa   katika  kituo  cha   Afya cha  ELCT  Ndolage  kilichopo   Bukoba lakini  alifia njiani.

Alisema baada ya gari lake kupekuliwa  kulikutwa na vilevi mbalimbali  ikiwemo Whisky aina ya Bond 7 aliyokuwa anakunywa.

Alisema jeshi la polisi mkoani hapa linamshikilia, Bi. Jackline kwa ajili ya kusaidia upelelezi na kuwa chanzo cha kifo hicho hakijajulikana

Haya ndiyo urithi wa Lady Jay Dee

Hili ni gari kwa ajili ya Bend yake inayojulikana kama Machozi Band

Hii ndo nyumba anayoishi mwanadada Lady Jay dee 

Hii ndo gari anayomiliki aina ni Super Murano 

Hu undo mgawa anaomiliki mwanadada lady Jay dee unaojulikana kama Nyumbani lounge 

Jide anajivunia kushinda Tuzo za Tanzania, Kilimanjaro Music (2004) kupitia kipengele cha Albamu Bora ya R&B (Binti), mwaka 2006 kupitia Tuzo za Pearl of Africa Music alizoshinda kama Mwanamuziki Bora wa Kike kutoka Tanzania

.Kama hiyo haitoshi, mwaka 2007, Jide alishinda Wimbo Bora wa kushirikiana (Hawajui) kupitia Tanzania Music Awards alioshirikiana na MwanaFA.

 Mwaka 2008, kupitia Tanzania Music Awards, Lady Jaydee alishinda Tuzo ya Mwanamuziki Bora wa Kike pamoja na za Pearl of Africa Music katika kipengele hichohicho, Kisima Music Awards (Wimbo Bora wa Mwaka) uitwao Anita alioshirikiana na Matonya.

Mwaka 2009, alishinda Tuzo za Tanzania Music (Wimbo Bora wa Mwaka), Anita kisha 2010 Tanzania Music Awards (Mwanamuziki Bora wa Kike), mwaka 2011 Mwanamuziki Bora wa Kike na Wimbo Bora wa Afrika (Nitafanya, aliomshirikisha Kidum kutoka Kenya na mwaka jana (Mwanamuziki Bora wa Kike).

Kwenye suala la kujitanua kibiashara ndiyo ilisababisha mwaka 2010 afikie makubaliano na Kampuni ya Mohamed Enterprises kuzalisha maji yenye nembo ya jina lake ingawa biashara hiyo haikudumu kwa muda mrefu. 

Hakukata tamaa, cheche zake kwenye ujasiriamali zilizaa matunda kwenye mgahawa wake wa Nyumbani Lounge uliopo Ada Estate, Kinondoni, jijini Dar ambao unamuingizia mkwanja hadi sasa.

Heshima kwake ilizidi kuongezeka, taratibu alifanikiwa kujijenga katika maisha yake binafsi kama ujenzi wa nyumba yake ya kifahari iliyopo Kimara, Dar.

 Mali kama magari ya kutembelea, magari ya kazi zake za muziki havimpigi chenga.

Katika kuonesha muziki na ujasiriamali kwake vimevuka mipaka, ilifika wakati walishauriana na mumewe aachane na kazi ya utangazaji kwa muda ili aweze kusimamia miradi yao ambayo ilihitaji kutanuka zaidi jambo ambalo limefanikiwa.

Wakamatwa shambani wakilima wakiwa uchi kama walivyozaliwa

POLISI mkoani Simiyu inawashikilia watu wanne wa familia moja kwa tuhuma za kukutwa wakilima katika shamba la familia yao, huku wakiwa watupu kama walivyozaliwa.

Kaimu Kamanda wa Polisi mkoani Simiyu, Venance Kimario alisema ofisini kwake jana kuwa wanafamilia hao wamekamatwa wakihusishwa kushiriki katika imani za kishirikina.

Alisema polisi walipata taarifa za siri kutoka kwa raia wema kuhusu wanafamilia hao, kulima shamba huku wakiwa watupu na kuamua kufuatilia, na walipofika eneo la tukio saa 12 za asubuhi, walikuta wanafamilia hao wakilima huku wakiwa uchi wa mnyama.

Alitaja waliokamatwa kuwa ni baba wa familia hiyo, Makoye Gamoge (42) na mke wake Neema Kigela (31), watoto wao wawili (majina yamehifadhiwa).

Kamanda Kimario alidai familia hiyo inatuhumiwa kwamba wamekuwa wakilima huku wakiwa uchi, kutokana na imani za kishirikina kuwa kwa kufanya hivyo, wataongeza tija na mazao yataongezeka maradufu na hivyo kuwakwamua kiuchumi.

“Kwa mujibu wa maelezo yaliyotolewa na baba wa familia hiyo kwenye kituo cha Polisi, kulima kwa mtindo huo kunalenga kuleta mabadiliko makubwa katika sekta ya kilimo cha jembe la mkono,” alisema Kamanda Kimario.

Makoye anadaiwa kusema mbinu hiyo mpya na ya aina yake ni sehemu ya utekelezaji wa maelekezo ya ndugu yao ambaye ni mganga wa jadi, aliyefariki mwaka jana kwa maradhi ambayo hata hivyo hawayafahamu.

Kwa sasa watuhumiwa hao wanashikiliwa Polisi na baada ya uchunguzi kukamilika, watafikishwa mahakamani kujibu mashitaka